..... 
....
......
مواضيع تستحق وقفة 
.
......
امجد الدهامات
.......
د.عبد الجبار العبيدي
......
كريم مرزة الاسدي
.

 
.
.
 svenska
.
مؤسسة آمنة لرعاية الايتام

.

.

 

..............
 
.
 ................... 


 

....................
جمعية الصداقة العراقية السويدية 
...................


اطلاق
اسم الشاعر الكبير
 (يحيى السماوي)
على مهرجان النور
الثامن
 

يحيى السماوي  

ملف مهرجان
النور السابع

 .....................

فيلم عن
د عبد الرضا علي

  




................


خدمات ترجمة 
 في مؤسسة النور

.

 ملف

مهرجان
النور السادس

.

 ملف

مهرجان
النور الخامس

.

تغطية قناة آشور
الفضائية

.

تغطية قناة الفيحاء
في
الناصرية
وسوق الشيوخ
والاهوار

.

تغطية قناة الديار
الفضائية
 

تغطية
الفضائية السومرية

تغطية
قناة الفيحاء في بابل 

ملف مهرجان
النور الرابع للابداع

.

صور من
مهرجان النور الرابع 
 

.

تغطية قناة
الرشيد الفضائية
لمهرجان النور
الرابع للابداع

.

تغطية قناة
آشور الفضائية
لمهرجان النور
الرابع للابداع

 

تغطية قناة
الفيحاء
لمهرجان النور
في بابل

 

ملف مهرجان
النور

الثالث للابداع
2008

ملف
مهرجان النور
الثاني للابداع
 

            


الحنين للوطــــــــن

معين الخياط النجفي

   خســـــرانه الذي عافت بلدهــــا ...     تنازع بتــْلَه وَنـــّه من وجـــدهـــا

***************

وجدي من يهزنـي آرعد كواكب ...     اهمومي ما يشــــيلنها المـــراكب

اذا تسمع رعيد او مطـَر سـاكب...      المـــطر دمعي ومن ونـّي رعدها

******************

رعيد امن الگـلب والجفن مطـّار...     عله آهلي والوطن وربوعه والجار

بواچـيّي عليهـم ليــــل ونهـــــار...      بچـه المفطـوم يوم امـــه فگـدهـــا

******************

غَصـب عفنه الوطن بآيام صعبه...     عليـه حسـرات والأنظــار تربـــــه

أعـاين بالوجـوه النـــاس غربــه...      اخسـرت روحي اونخّي من يردها

******************

اليردهـا وين هالبلـوه اويفلهـــــا...        أيـامي سگــم ودموعـي اهلهــــــا

أبچـي بچـي اللي ذبحوا طفلهـــا...        ابحضنهـا اوظلــّت اتنوح لولدهـا

*******************

عَفه روحي الغريبه اشكثر ناحت...     عله الموطـن اوبالحســـرات ذابت

لصخـر ناحت الخنسه لـُمن ماتت...     لنـوحي الخنسـه ما تلحگ اشحدها

********************

فرگـتكم عَـلَيْ يهلــي اشـعظمهـــا...      وروحـي وصلت الآه لعـَظمهــــــا

آمن آمـد رجلي وأديـّه ما ألمهــــا...       آمن ألمها افرض فلا أگـدر أمدها

*****************

امغـرَّب وآحس روحي مو عليــّه...      وعگــــود النجـف تتـراوه ليـــــــّه

روحي لاهي ميته ولاهي حيـّـــه...      هوايه آحسـن لِوَن يگـرب وعدهــا

*******************

وعـدي لو گـرب أروح اوأحســن...     اولا آظـل ابگـلب كل يوم يحــــزن

ابتـله يعگـوب من گـبلي اوتمحـّن...     محنتـي اومحنتـه فـد قصّه آعدهـــا

******************

أعـدها فـد سـوه ويمكن أغلبــــــه...     گـضاها اويه الأهـل مو ويّه غربــه

اوهـوّه بس جرح يوسف امصوبه...     وآنه اجروحي فلا يحصــه عـددهـا

***************

أظل بالغربه متحيــّر اشچـــم دوب...    لانـي چـاتل اولا جـاني اذنــــــوب

دگـلـّي اشغاب يوسف ابن يعگـوب...    انخبص وآغتـاض وعيونه فگـدهـا

******************

فگـدها اعيونه بس تاليهــــا ردّت...      وآنه اعيـوني على اهدومي تبـــّدت

الغـربه اسـهامها لظهــري تعـدّت...       وجـروحي صـعوبه اعليـّه شـــدها

*******************

غـدينــه رمــم من عفنـه وطنــــّه...        ولا واحـد فگــدنه اونشــد عنــّـــــه

عساه اللي شـدهنه اوشت شــملنه...        يشـتْ رب السـمه شـمله اويشــدهـا

******************

إرجـع يگـولولي اوگـــلت ياريت...        بس وين الشـغل واســكن ابيا بيــت

علـه الســتّين جاوزت او تعـدّيت...        اتركـوا ارويحتـي اتعيش ابدردهـــا

*********************

عيفـوني أعيش ابگـلب مالــــوم ...        اتغــدّه مصايب والعشـــــه اهمـــوم

يگـولون الظـلم للتـالي ميــــدوم...         أشـشـو أجــّر مهجتــي وگـعد عِــــدها

****************

كلشـي صادروه منـّي الظــــــلام...      اوفـوگــــــاها يحكــمونـي بالآعـــدام

اشـتعل خالـك يبن صبحه يصدام...      سـچـاچـينك عله شـــعبك تحـدهـــــــا

****************

يتهـمونه ابسـعاده انعيش أحـــرار...     اوهَمنــه انريــد بس نجــمع الــدولار

ومـا يدرون عيشـة غصص ومرار...   بس حنضــل ولا ضگـنه شــهـدهـــا

*********************

اويحســدنه العراقـي اعله هالعيشه ...    البلداخــل اوحگـــّه انهلس ريشـــــــه

علـه اطفالـه ميلحـــگ تمر گــيشـه...      وچــماله أكــل حرهـــا اوبردهــــــا

******************

كلشــي هيــّن اوكلشـــي نجــرعه ...     إلا الماكــــو أحبــــاب التجمعـــــــــه

وانتـو ابنعمــه كـلمن ويـّه ربعـــه ...     اوربعنـــه اعليـكم اعيـون ابحســدهـا

*********************

گـوگ اللـه وخبـز بالوطن كـــافي...     ومن مـاي الفرات امسـح اشــــفافي

وطنـّــه الوالده ام حضــن دافــــي ...     نخلـــة عافيــــــه واگـــعد ابســـــدهـا

*******************  

 

الـوادم لايـذهه ابســـِد فَــَيْ كتَـلــها...     وآنـه ابلا حــزب هـاي اشْـــيفلهــــا

صرت مثل اليتيمه اتدوْر اهلهـــــا...     واهلهــا اتفجــّروا بس باقي جـدهــا

******************

اوجـدها ابو أمهــا موش ابوهـــــا...      والأثنيـــن حصــّتهـم كـلوهــــــــا

سـت أشهر مضت كيـلو نطوهـــا...      برغـل - والنِعِم- هالدوله گــَدهــا

****************

هـذا الحال يلتنشـد عله الحــــال...    نُص هذا العمــر گـاضيه ابترحــــال

مخبـوط الأكـل وَيْ دمع همــّال...    أبـلع لگــمتـي الحســره تـردهــــــــا

*****************

تعـال اوجــرّب الغربـه اوعملها...   اشــــحال الفگــدت أوطان اوأهلهــــا

روحـي لو گــَرَب منهـا أجلهـــا...    أنشـدك عيني منهـو اللـي يســـدهـــا

**********************

   الأبوذيه

تهنــه ابـّين هالعالـم وضعنـه ...      اوطحنــه ابناس ما تعرف وضعنه

نخيت الحمـّل اعياله وضعنه...       يردنــه للوطن گــبل المنيــــــــه

&&&&&&&&&&&&&&&&&&&&&&

كندا / 2010

 

 

 

معين الخياط النجفي


التعليقات

الاسم: قمرعلي
التاريخ: 19/11/2010 12:58:32
عاشت يداك خالي العزيز ما هذا الشعر الجميل نتمنى ان نقرا من ابداعك المتواصل المزيد والمزيد

الاسم: عباس طريم
التاريخ: 13/11/2010 23:36:50
الشاعر المبدع معين الخياط النجفي .
قصيدة جميلة... تحاكي المشاعر الجياشة في حب الوطن ,وتصور الغربة وماساتها ومصاعبها .
والابوذية جميلة ورائعة وتصب بنفس القالب الذي يتغنى بالوطن, ويتامل ان يستعيد انفاسه باذن الله .
احييك ..




5000