..... 
....
......
مواضيع تستحق وقفة 
.
......
امجد الدهامات
.......
د.عبد الجبار العبيدي
......
كريم مرزة الاسدي
.

 
.
.
 svenska
.
مؤسسة آمنة لرعاية الايتام

.

.

 

..............
 
.
 ................... 


 

....................
جمعية الصداقة العراقية السويدية 
...................


اطلاق
اسم الشاعر الكبير
 (يحيى السماوي)
على مهرجان النور
الثامن
 

يحيى السماوي  

ملف مهرجان
النور السابع

 .....................

فيلم عن
د عبد الرضا علي

  




................


خدمات ترجمة 
 في مؤسسة النور

.

 ملف

مهرجان
النور السادس

.

 ملف

مهرجان
النور الخامس

.

تغطية قناة آشور
الفضائية

.

تغطية قناة الفيحاء
في
الناصرية
وسوق الشيوخ
والاهوار

.

تغطية قناة الديار
الفضائية
 

تغطية
الفضائية السومرية

تغطية
قناة الفيحاء في بابل 

ملف مهرجان
النور الرابع للابداع

.

صور من
مهرجان النور الرابع 
 

.

تغطية قناة
الرشيد الفضائية
لمهرجان النور
الرابع للابداع

.

تغطية قناة
آشور الفضائية
لمهرجان النور
الرابع للابداع

 

تغطية قناة
الفيحاء
لمهرجان النور
في بابل

 

ملف مهرجان
النور

الثالث للابداع
2008

ملف
مهرجان النور
الثاني للابداع
 

            


دعوة للاشتراك بمسابقة مركز النور الابداعية الكبرى

اسماء محمد مصطفى

حجيك مطر صيف .. ما .. طََيَن اللي يلفطون !!

اليوم ، ندعوكم اعزاءنا كتاب النور وكاتباته وزواره وقراءه وجيرانهم وجيران جيرانهم  الى الاشتراك بالمسابقة النورية الابداعية الكبرى لمناسبة هطول المطرة الاولى على مدينتنا الحبيبة بغداد ، والاسئلة لن تكون صعبة ، إلا إنّ الجوائز مغرية جدا َ ..

اعزائي .. المسابقة ستكون في (الحجايات ) العامية والامثال الشعبية  والاغاني التراثية والطربية العراقية .

واليوم ، طبعاً ، راح اكتب باللهجة العامية العراقية مو بالفصحى ، لإن المعنيين بالأمر من المسؤولين عن الخدمات بالوطن ما يفهمون الكلام بالعربي الفصيح ..

ولعبة الالغاز تتحمل نلعبها بالعامية ..  بس كَبل ما اوجهلكم الالغاز ، خلوني احجيلكم  وأمهدلكم للاسئلة ، وترى الجوائز المغرية تسوى تتحملون علمودها اسهابي بالحجي اذا كان هناك اسهاب  ( تذكروا كلمة اسهاب لأن احد اسئلة المسابقة  يتعلق بيها ) :

السبت اللي فات  ( 25 من تشرين الاول 2008 ) كان عيد ميلاد التوأم مطرة وطينة ، وياعيني شلون عيد ميلاد سوته مطرة ، ركَصت ركَص على روسنا ، وأختها تدكَ أصبعتين ، حتى ما شفنا الاّ بغداد غركَانة بالماي والطين ، لأن المجاري والبلاليع كلها مسدودة ومليانة بالزبل ، والشوارع محفرة ، يومية نشوف عمال الامانة يحفرون إ هنا وإهناك ، شنو القصة ما ندري ؟!!  وبعد الحفر يعوفون الرصيف والشارع عبارة عن حفر وطسات وانقاض ، وبعد منشوف العمال والآليات .. ونسمع بعدين ان المقاول كُلَب وبلع فلوس المقاولة  ، وتجي بعدين المجاري وتلعب لعب بالطسات ، وإحنا حتى نوصل لبيوتنا او مقرات عملنا نحتاج اما الى زوارق او جزم نلبسها ونطمس بكيفنا من غير ما نخاف نتطين ... ولو أحنا مطينين من كَاعنا بهالشوارع الزحمة والمكَطعة .. والكَاطعة كَطع من عمرنا ، كل يوم نروح للدوام ونرجع ونشغل وكتنا الضايع بالشوارع المسدودة ،  بالحجي وتكريزة الحَب ( وبيوم المطر نكَرز حب شمسي قمر لأن نفتقد الشمس ونتذكرها بالحَب ) .. ولو إحنا كل يوم مفتقدين بالعراق ( الشمس اجمل في بلادي من سواها ) !!

اللي زاد الطينة بلة بيوم المطرة ، وإحنا حايرين شلون نوصل لبيوتنا بأقل قدر من الخسائر ، صار انفجار بالطريق ، وانحصرت السيارة ، الى ان فتح الحرس الموجود بالشارع طريق بديل  .. ويابه شلون طريق ؟!! عبالك فينيسيا ، شنوهالماي الصافي ، شنو هالريحة الطيبة ، سبحت السيارات سبح مثل السمج ، من يطلع من الماي يموت .. لا ، وخطية اكو فد واحد طمس بنص الماي  وراح حاير بسيارته اللي انطفى محركها  بسبب تسرب الماي للمحرك ، وعائلته كَاعدة بالسيارة تتنظر الفرج .. هم جان اكو واحد يبيع بنزين ، كاعد بنص الماي على  تكنة وكَدامه دبات البنزين ، ولا كأنه ! عبالك ملك زمانه !!

وإحنا جنا كالمعتاد من الرعايا المساكين ننتظر نعبر الشط .. والسيارة تغني بكل صوت يطلع من السيارة لما السايق يشغل مفتاحها  : عبرت الشط علمودك .. خليتك على راسي !!

كأنه كانت تعتبر  التوصيلة  منة علينا !!

عموما ، طلعت السيارة اللي احنا بيها من بحيرة البجع المطينة واللي ملأت الجو ريحة طيبة اطيب بهواية من ريحة الزبل المكوم هنا وهناك ، واللي يطير عليه الذبان !

كَلنا افيش فرجت ، راح نوصل ، اثاري الشارع طلع مسدود ، يابه ليش ، محد يدري ، اشصاير ما صاير .. ؟! اخاف الامريكان  ديمرون على درب اللي يمرون  .. بسيطة  ترى الامريكان اصدقاءنا  من جنا صغار نلعب سوية دعابل  بدربونتنا ، من نخسر إحنا  ننطيهم دبة نفط  ، ومن يخسرون هُمه يرمون علينه نيران صديقة !! ( طبعا ، هاي صديقة غير صديقة الملاية ) ! .. شرطة المرور كَالوا للسايق ما تفوت منا ، كَال شلون اوصل ؟ كَالوا ما نعرف .. وبس صار الشرطي عصبي وراد ينزع لوحة الارقام من السيارة  ، اتحركت السيارة  واستدار إلنا السايق وكَال ياجماعة ترى اكو سيارات توصلكم لبيوتكم ، تلكَوها براس الشارع .. إمشولها مشي ..

نزلنا .. كل واحد طاير طيرة جوا المطر يريد يوصل ... ملابسنا مبللة ، والطيانة واصلة لحد الرُكَب !! اتخزيت خزي ، ياأناقة ؟! ياترتيب ؟!  يابرستيج صحفي ؟!   هسه اشلون اذا شافوني اللي وياي بالجريدة او بموقع النور  بهذا المنظر البائس  ..  ما اعرف ، هاي اول مرة اشوف مطر ينزل مطيَن !! بينما كَبل جان الطين يوسخ اذيال اثيابنا بس ، هسه أشو الطين يوصل للاجتاف  !!!

عموماً ، ركضت ركض حتى اعبر الازدحام ،  والناس تركض ، وطبعاً الكل يعرف انه كل العراقيين عدهم امراض بالمفاصل  ،  من صعدات  الدرج بالدوائر الرسمية  والركض ورا العيشة ،   والشغل بالدوائر اللي يهد الحيل من غير ما يجازيك المديربمكافأة او بكتاب شكر او حتى بكتاب ( دع القلق وإبدأ الحياة )   .. عموماً ركضت حتى  وصلت الى نقطة بيها الازدحام اقل ،  وصعدت سيارة ، وكَلت افيش راح اوصل للبيت .. أشو من وصلت دا انزل ، لكَيت منطقتي غركَانة بماي المطر والمجاري ، والريحة تنافس عطور كريستيان ديور  وريحة العطر  اللي تعلن عنه لميس ويه مهند  من ورا ظهر يحيى ونور !!   المهم ، نزلني السايق بجهة اشويه اهون ، ومشيت حتى وصلت للبيت العصر ، يعني المغرب ، يعني البليل ، يعني ( بس كافي عاد ، لاتلحين  ) ،  وآني طالعة من شغلي من الظهر !! 

بعد كل هذا ، امانة بغداد تكَول انها مسيطرة على الوضع !!! وقد ( انتبهوا .. لـ ..  قد هذه ) قريت بنفسي خبر بالصحف والمواقع الالكترونية يكَول : بغداد غركَانة بالمطر ، والامانة تكَول احنا مسيطرين على الوضع !!

صُدكَ مسيطرة سيطرة ، على طريقة مسطولة سيطلة َََ!!!!  كل شتا عدنا عرس ويه مطرة وطينة ، وكل شتا عدنا موعد مع سؤال متكرر : ها ياأمانة شنو سويتي استعداداَ للشتا الجاي ؟  وكل شتا يجينا الجواب : احنا مستعدين ومُسنفرين سنفرة وسنفوراً عن سواعدنا وآلياتنا ، وماراح قطرة مطر اتضوج المواطنين الاعزاء ، ولا ذرة طين تلزكَ بجعوب احذيتهم !!

لا ، يامعودة ، يا أمانة ،  صُدكَ جذب ، هاي صُدك تحجين ، ترى دنشاقا وياج .. ترى عيد ميلاد مطرة وطينة لازم انسوي  بيه أشوية حركة آ كشن، حتى لا يكون عيد جامد .. وثكيل على المعدة .. ترى مطرة خوش بنية ، تفيد الزرع وتفيد دجلة المهدد بالتصحر ، بلكي ها ، جم مطرة وينترس ماي بقدرة قادر ، وبعد منخاف من احتمال تهديدنا بالجفاف ، يعني هم ، حصار غدا وعشا  مرينا بيه ، راح انمر بحصار عطش يعني حصار مائي همينا ؟!  يعني كل فرد بالعائلة ينطوو بالحصة التموينية كم كَلاص ماي وهوه يتصرف بيهن ، يوزعها على عدد ايام الشهر ، وطبعا ماراح يكفن ، فيضطر يشتري ماي من السوكَ السودة والبيضة والحمرة والبنفسجية .. الحمد لله والشكر شفنا كل الالوان ، ما خلينا لون حسرة على نفسنا وعيونا !! يمكن بس اللون البنزركَي ، شنو البنزركَي هذا ، ما ادري !!

بس مطرة وطينة كَالولي انهم بالمطرة الجاية راح كل وحدة منهن تلبس  ثوب لونه بنزركي .. خلي نصبر ونشوف بعدين شنو هذا اللون .. يجوز يصير موديل السنة ، وما أنشوف الاّ مطرة وطينة صارن عارضات ازياء بدور العروض الفرنسية ، وجم سنة يصادف فد واحد عراقي مهجر مغترب خريج كلية جديد وخال شهادته بالثلاجة الطافية  ،  دايدور على شغل هناك يشوفهن بفرنسا صدفة ،  يروح ركض عليهن ، لأن تعرفون العراقي بالغربة ميصدكَ يشوف واحد يعرفه ويبثله الحنين والشوق للوطن ، المهم يروح إلهن ، ويكَول معقولة ، ولجن مطرة .. طينة ، هاي شنو ، صُدكَ جذب ، هاي اشلون طالعات ،  ولا مارلين مونرو بزمانها ! ولاكاترين دينوف ولا صوفيا لورين بت جيرانا بمنطقة البتاوين المحفرة أتحفر شتا صيف !!

تباوع عليه مطرة وطينة بطرف عيونهن الوسيعة ، وتكَول وحدة منهن : ( وات ) سنو ؟  ( هوو..  إز)  مطلة ( هوو ... إز )  .. تينة ؟! منو .. اوه  .. فيانسي بوليفوا موليفي ..

ويكَول إلهن : عيني مطرة وطينة هيجي إتثقفتن وصرتن تلبسن على الموديل وتحجن لغات .. نسيتن أيام الحواسم وسوك الحرامية ..

بنجور متلا  او مطلة .. بنسوار..  تينة ، حسبوها علي ّ !!

بس اذكرجن اليوم عيد ميلادجن .. يابه اشلون عيد ميلاد .. ركَص وبزغ ودك اصبعتين  للصبح !!  وبيت ابو عليوي خطية بذاك السبت الماطر اذا تذكرونه غركَ بالمطر ، وطكَت المجاري عليهم ، راحوا باتو  بالمدرسة اللي بالمنطقة ، بس اتذكرن هذا الشي ولا تنسوه ، وأنتن تلغفن لغف  بالنفط  وتلعبن لعب بالفلوس بزمن الفساد الاداري ، وعدل على المصارف بالخارج  ،  وما تفكرن بالمواطن المسكين ..

  

هامش بالانكليصي !  :

Happy Birthday To  Matra and Tena

    Wahna  Amtynen  Abtena

!

Bet Abu  ilaiwy  Krk  Bet hom  Wbato  Blmadrasa  Kamo Alsobh Lkaw Nafs hom  Absaf Al _awl

  

  

*والان بعد هذا الفاصل الانكليصي  ، نطرح الالغاز ، والمطلوب الاجابة عليها بامثال شعبية وأغان ٍ تراثية وطربية  :

  

ـ السؤال الاول بالعربي الفصيح  :

ما هي الاغنية الشعبية الطفولية التي  كنا نرددها  ونحن في الصف الاول  الابتدائي ؟

  

ـ السؤال الثاني  بلكنة مطرة وطينة الخواجاية :

 بونجووووور ..  هاااااي  ..  ويلكام ويلكام .. (وات)   إلاكة  ( بتوين )  إهنا  سف اول اهسن السفوف ، بهال شوالع بكتات  ( آفتر)  كول  ماترة ؟

  

ـ اعيد السؤال بالعامي الفصيح وكَبل ما ديج الف ليلة وليلة يصيح  ، إلكُلمن ما يعرف لغات الخواجات  بطريقة الباب اللي تجي منها العولمة لا تسدها وتستريح   :

شنو علاقة إحنا صف الاول احسن الصفوف ، بحال شوراع بغداد بعد كل اول مطرة بالشتا ؟ أجب  عن السؤال بمثل شعبي او اغنية تراثية وطربية او إحجاية عامية .

  

ـ السؤال الثالث بالعربي الفصيح  :

انتم تعرفون ان هناك ترجمة حرفية وترجمة معنى  من لغة الى أخرى ، لذا يرجى ترجمة الجمل المكتوبة اعلاه بالانكليصي ! الى العامية ترجمتين واحدة ترجمة معنى وواحدة  هم  ترجمة معنى ..  هههههه .. يعني اي ترجمة حرفية راح نعتبرها غلط .. وتروح عليكم جائزة السؤال ..  والترجمة المطلوبة بمثل شعبي او اغنية شعبية وطربية او إحجاية عامية . 

  

ـ السؤال الرابع :

ماهي العلاقة بين الامانة الحمره ام قاطين ، وأمانتنا العزيزة صديقة مطرة وطينة ؟!  والجواب مطلوب بمثل شعبي او إحجاية عامية .

  

ـ السؤال الخامس :

كلمة ( اسهاب ) ما الذي يرادفها باللهجة العامية ؟ وماعلاقتها بوعود المسؤولين وإجراءاتهم ؟ وكذلك ما علاقتها بالوضع كله ؟ وجواب الشطر الثاني من السؤال  مطلوب بمثل شعبي او اغنية تراثية او طربية او إحجاية عامية .

  

ـ سؤال الجائزة الكبرى :

هات لنا مثلاً شعبياً او مقولة ( احجاية ) نغمية محورة  من اغنية  عراقية وعلى وزن المثل النوري المطري الذي اتخذناه عنواناً للموضوع في اعلاه : ( حجيك مطر صيف مابلل اللي يلفطون ) .. شرط ان يصف لنا حالنا وسط الفوضى والاهمال والضبابية من غير ان تستخدم اي كلمة من كلمات المثل المذكور ؟

  

ـ الجوائز الاولى والثانية والثالثة  :

لكل من يجيب على الاسئلة  اعلاه باستثناء سؤال الجائزة الكبرى اجابة وافية شافية  تذكرة لرحلة سياحية برفقة  الجميلتين مطرة وطينة ، ومدة الرحلة مفتوحة ، ولا تشيلون هَم المصاريف ، ترى مطرة وطينة كل وحدة منهن سدادة ..

  

ـ الجوائز التقديرية :

لكل من يحقق المراتب ابتداءً من الرابعة الى العاشرة   : مكنسة كهربائية لتنظيف الطين الذي تطبع به بلاطات البيوت قادمة من الشارع ..  تحفظ هذه المكنسة في معرض ( البوفية ) تذكاراً يباع بعد بضع سنين بسوق الانتيكات والموروثات وربما تعتبر آثارا ً ،  فتحقق ثروة لاصحابها  ، لأن ابشركم الكهرباء .. انتو والمشمش !!

  

ـ  جائزة الخاسر الاكبر :

اما الخاسر الاكبرالذي لن يعرف الاجوبة على الاسئلة  ، فجائزته انه سيدخل موسوعة غينيس للارقام القياسية  بتدريب كم مليون مواطن  على الركض الماراثوني في الطرق الغارقة بالمطر ،  وعلى التزحلق فوق الطين !!  لأنه (  سيقدم خدمة انسانية كبرى للبشرية ، بحلول بديلة لكل مشكلة يستعصى حلها ، يعني مثلاً اذا لم تبلط شوارعنا ولم تعالج مشكلة شبكات تصريف مياه المجاري ،  وضع  الحل البديل المتمثل بالركض المتزحلق على الطين  بجزمات مصنعة من جلود فاخرة  توزع مجانا ) ! وهكذا بالنسبة لمشكلاتنا الاخرى .

  

ـ اما الجائزة الكبرى ، فهي :

لمن يجيب على سؤال الجائزة الكبرى مليارمطرة مطينة بستين طينة  بشارع مجاريه مسدودة وبيه فد أخمسطعش طسة أم نفرين  ، تحفظ له  برصيد في بنك (ابو فلسين ) الكائن في شارع  ( نص راتب من غير مخصصات)   بالمنطقة  اللي تعرفون لونها  ..  والمليار  ، كما تعرفون يعيشكم ملوك زمانكم !!

  

ـ الجائزة الخاصة  ـ خرافية  تضمن لكم مدخولاً عالياً مدى الحياة :

لمن يجيب على كل الاسئلة بضمنها سؤال الجائزة الكبرى  ، جائزة خاصة : قاموس بالامثال والاغاني الشعبية والاحوال العراقية آخر موديل بأحدث طبعة ، صنع امريكي  ( مَيد  إن اميركا ) ،  مخطوط بالذهب عيار 21 خيبة وكذبة وكفخة ، وبالخط ( البوشي بي دبليو)   ـ طبعة 2008 ـ دار نشر :  اصعد كراسي ولاتكَول هذوله ناسي .

  

اشارة اعتذار :

طبعا ، اتقدم بالاعتذار لكم اعزائي زملائي وزميلاتي في النور ، وكذلك القراء ،  لاضطراري الى استخدام العنوان الجاد اعلاه الخاص بالدعوة الى مسابقة كبرى بإسم مركز النور ، مع إن التلاعب بالعناوين لغرض اغراء المتلقي اسلوب مُبرَر  ومشروع صحافياً ، ( في الاقل انه تلاعب بالعناوين فقط وليس باقدار الناس كما يفعل المتحكمون ..  ) ،  إذ إن ّ غرضي من ذلك ان  تشاركوني وجدانيا ً  ( ولو جوائزنا ثمينة )  بما تعرضت له  تحت المطر والطين مع اول زخة مطر قوية  رافقها انفجار في المنطقة  التي امرّ بها في طريقي للجريدة وإيابي منها   ، وغلق الطرق المؤدية الى المنطقة التي اسكنها ،   فليس من العدل ان اتبلل ( وأتطين )  وأحار كيف اصل الى عملي وكيف اعود الى بيتي في يوم السبت  الماطر ، ( لا  ، وبعد بيت جيرانا  ابو عليوي غركَ وباتو  كلهم  بالمدرسة )  ، بينما غيرنا ممن تربطني بهن صداقة او تربطني بهم زمالة   ربما كانوا ( بنفس وكت المطرة ) مشغولين  بالتفرج على كارتون كَريندايزر ، ( اعرف  .. اعرف مثل ماتعرفون ينراد إلنا  كَريندايزر حتى يخلصنا من محنتنا )  !!!!

 

اسماء محمد مصطفى


التعليقات

الاسم: اسماء محمد مصطفى
التاريخ: 12/11/2008 16:37:53
الاخ الفاضل احمدالكردي
تحية الغيث
اشكرك للمرور الكريم
ادخل الله الفرح والسرور الى قلوب العراقيين جميعا
تقبل وافر التقدير

الاسم: احمد الكردي
التاريخ: 12/11/2008 13:50:52
الاعلامية الكبيرة اسماء محمد مصطفى
اضحكتيني كثيرا وبخصوص الهامش الانكليزي ادخل الله الفرح والسرور على قلبك وارجو منك تقبلي كصديق وكاخ

احمد الكردي
شبكة الاعلام العراقي
بغداد - العراق

الاسم: اسماء محمد مصطفى
التاريخ: 07/11/2008 14:20:54
الاخ الفاضل مصطفى السنجاري
تحيةالغيث
اشكرك للمرور الكريم بالموضوع، والاشتراك بالمسابقة الافتراضية بمقولات شعبية ،
اتفق معك على ان المواطن كان ليغفر للمسؤول بعض اخفاقاته لو كان المسؤول فعلاً قلبه على البلد والمواطن ، أو لو كان المواطن واثقا من ان هذا المسؤول يحرص على خدمة الناس لكن الاوضاع الصعبة والخارجة على ارادته تفشل عمله ..
غير ان المواطن يدرك اي مسؤولين هم الموجودون الان !!
تقبل وافر التقدير

الاسم: مصطفى السنجاري
التاريخ: 05/11/2008 11:31:06
المطر خير وعافية.. ومو بعيد عبالهم من منجزاتهم .. وليش حتى نزعل من الماي الموجود بشوارعنا ؟ (الماي عمار) .. ياست أسماء احنا مثل اللي (يغني بالطاحونه) و(احنه وين والطمبورة وين) هاي الحكومه مثل الما مصدكه صار بيدها الحكم ..اتكولين(يتيم وصار بيدة بيضة ملونه) ذولة يالغاليه ما جايين يسوووووووووولج منجزات .. ما تشوفيهم كل من(يكول ياللا نفسي) يلعبون (بالوقت الضايع) والشاطر اليجمع و(يهبِّش) اكثر..والحرب ضد الأرهاب (شمّاعه)يعلكةن عليها فشلهم وخيبتهم..وياريت با ستي القضيخ واكفه عالطسات والمجاري ..جان كلنا (بالريش) هاي حكومة الما تكدر توفر هيبه النفسها ..وكهربا الشعبها وكلامها (نالليل يمحوه النهار)..؟ واليحجي الصالح وطنه مو بعيد يتهم ب(........) ما نريدها تسوّي هيبتهه بالعنف والسوة على اولاد الخايبه فوك ما هم بطالين .. الهيبه طبعا تجي عدما تصير(حكومة كول وفعل).ز ما تستورد الشعبههسلم الرواتب (وجماله شايلته بالعرض) وداعتج يا ستي نغفرلها الطسات والحفر لو فعلا همها الشعب ..ولو همها الشعب الشعب كان لمسه مو يكولون (الكلوب سواقي)أو (الكلوب عد بعضها) تحياتي...

الاسم: اسماء محمد مصطفى
التاريخ: 03/11/2008 23:21:13
الاخ الفاضل مصطفى سنجاري
تحية الغيث
ننتظر الغيث الذي هو رحمة
اشكرك لمرورك وكلماتك التي تضرب في الصمميم
تقبل وافرالتقدير

*****

الاخت الفاضلة الهام زكي خابط
تحية الورد والشموع وكعك الميلاد
كل سنة وانت طيبة
صحيح ، صادف ان يكون عيد ميلادك يوم 25 من تشرين الاول ، لكن عيد ميلادك ليس بالتأكيد كعيد ميلاد مطرة وطينة
ميلادك ميلاد الورد ، ميلاد الخير ، ميلادالعطاء بين بناتك
عزيزتي
يكفي ان النشيد الذي ذكرته في تعليقك هو الجواب الصحيح على احد اسئلة المسابقة ، وهذه نقطة لك .. مارأيك ؟
تقبلي وافر التقدير


الاسم: اسماء محمد مصطفى
التاريخ: 03/11/2008 18:31:13
الاخت الفاضلة زينب صافي عباس
الاخ الفاضل علي عبد النبي
الاخ الفاضل حسين الخضيري
الاخت الفاضلة زينب بابان
الاخ الفاضل سامي الشواي
الاخ الفاضل علي عكاب
تحية الغيث لكم جميعا
اعذروني لاني ساعقب على مروركم وتعليقاتكم بتعليق واحد وذلك بسبب ضعف شبكة الانترنت في العراق مما يسبب صعوبة في الارسال
اعزائي
اولا : اشكركم لمروركم الكريم
ثانيا: الموضوع ، قصدت به عرض صفحةمن يوميات المواطن العراقي المحبط ، وهي يوميات مليئة بالمنغصات حد الاختناق .
الالم موجود
وكذلك الامل، لاننكر وجوده في قلوبنا ، لكن سيبدو اقحام الامل في قضية معاناة كهذه غير مقنعة ، وماعرضه بهذه الصورة الكوميدية ـ التراجيدية الا تحاشيا لعرضه بشكل جاد يمنع القارئ حتى عن ان يضحك على شر البلية .
ايمان العراقيين بالله تعالى وبإن وراء الغيوم شمس مشرقة .
وقد جربت اكثر من مرة في بعض الموضوعات ان اعرض معاناة ، وادعو الجهة المسؤولة الى علاجها ، لكن يأتيني من يقول هؤلاء لا يسمعون ، فلماذا تخاطبينهم .
حتى خدمات امانة بغداد ، كتبت عنها عشرات المرات ، واقترحت ، وكثيرا ما كان يردني من الامانة : اجري اللازم .
احيانا كان يجرى اللازم فعلا في حدود حالة معينة ومحددة ، لكن الان طفح الكيل ، ومع انها قد زرعت بعض الفضاءات وجعلتها متنزهات فرح بها بعض الاطفال ، لكن هذه بادرة صغيرة جدا قياسا لما ينشده المواطن .. اهذه بغداد مدينة الشعراء والصور ، اهذه ذهب الزمان وضوعه العطر ؟!
شكرا للامانة لانها احد الاطراف المسؤولة عن جعلها بهذه الحال المزرية .
والحال تنطبق على المدن الاخرى المهملة .
نتمنى فعلا ان تتغير الحال ، لكنها لن تتغير الا بانقشاع المسؤولين عن متاعبنا .
نتمنى ان يكون المطر غيثا ، يفرح به الاطفال ..
نتمنى ان نرى مدننا جميلة نظيفة ، والمواطن مرتاح البال ، حينذاك سنكتب ونقول : الدنيا ربيع ..
تقبلوا مني وافر التقدير

الاسم: الهام زكي خابط
التاريخ: 03/11/2008 18:00:03
يوم السبت والمصادف 25 تشرين الاول كنت احتفل مع بناتي بمناسبة عيد ميلادي ال ؟ ؟ وكنت سعيدة جدا بفضل ابنتي عبير التي كانت قد هيأت لي مفاجئة اسعدتني كثيرا ..
واذا ببغداد تحتفل بميلاد التوأم طينه ومطيرة معي والعزيزة اسماء تتطين كل ملابسها ويخرب البرستيج مالتها
والله زعلت وتالمت كثيرا او الله ايساعدكم على هذه المصايب اشوكت تخلص
عزيزتي اسماء عذريني لو قلت لك هذه اول مرة اقرا لك لكن اسلوبك الساخر الجميل الذي يشبه اسلوب اختي بلسم التي مازالت في بغداد جعلني انشد اليك كثيرا وقد قرات النص اكثر من مرة وكنت مترددة في التعليق وبعدها قلت لم لا اليست النور هي منتدى لجميع العراقين كي يتعارفوا مع بعض اينما كانوا
ولكن بكل اسف لااستطيع ان اشارك في هذه المسابقه الرائعة لاني كلشي ما اعرف واذا شاركت راح اخذ صفر
بس اعرف النشيد فقط
احنا صف الاول احسن الصفوف والمايصدق بينا خل يجي وايشوف
على فكرة اني حافظة اناشيد الاطفال فاذا سويتي مسابقة اناشيد الاطفال يمكن افوز
تحياتي الخالصة
الهام

الاسم: مصطفى السنجاري
التاريخ: 03/11/2008 15:09:17
على كل حال المطر نعمة والحكومة تقدر النعمة ..عزيزتي أسماء وهاي للأسف مو حكومة منجزات والا ترى مسالة الكهرباء ما تنهضم ويانا هيه ظلت النوب عالطسات ..هاي جايه تكضي وقت واليجمع اكثر شاطر اكثر..هم زين ادا اجه المطر نلتهي عن عمايلها

الاسم: علي عكاب
التاريخ: 03/11/2008 12:50:52
عزيزتي الكاتبه المبدعه
سلام عليك
طبعا انا كنت اقرا ماتبدعينه منذ زمن النظام السابق ولحد الان وانت كما عهدتك مشرقه ومبدعه وخلاقه
ولكن ان تكون محبطه بهذه الدرجه او تبعثين الاحباط في كتاباتك هذا مايثير حفيظتي مع اني لاانكر الذي تعانيه ويعانيه معك الشعب كله ولكن انت قائد والقائد بائع الامل بمعنى من المعاني ولذا لاتنظر للفارغ من الكاس
انت كبيره واتمنى ان تبقى كبيره للنهايه
احتراماتي

الاسم: علي عكاب
التاريخ: 03/11/2008 12:17:09
الاخت الكاتبه المبدعه الفاضله
سلام عليك
طبعا التهكم الذي انت فيه باعثه معروف ونحن نشترك في هذا الاحساس ولكن يبقى القائد بائع الامل بمعنى من المعاني اتمنى ان لاننظر للكاس من جهته الفارغه
والا سنضيع دوما بين حفر الطين ونقمة المطر الغاضب
ولاتنسين نحن انتخبناهم ونحن سوف نغيرهم ان شاء الله

الاسم: سامي الشواي
التاريخ: 03/11/2008 08:25:12
الاخت اسماء
تحية طيبة
دامت حجاياتج المعبرة عن معاناة الناس راح اسولفلج عن المطر بالعمارة فد يوم مطرت حالوب جماعة المحلة اكلوا الحالوب كلتلهم ليش تاكلون الحالوب فاجابوني انه يشفي من الامراض ونتمنى دائما مطر حالوب والعمارة حاليا مليانة طين فشنو رايج
وهذه حزورة/ابيض بضة لون الفضةيطك ارجاب ويلعب جوبي
سامي الشواي

الاسم: زينب بابان
التاريخ: 02/11/2008 19:56:44
الاخت العزيزة اسماء
حياك الله وبياك واشكرك لهذا العرض الوافي لعرس مطرة وطينة والله يساعدكم ويساعد الناس المساكيم الي عايشين بالخيم وماتعرف بيهم الحكومة ولا دريانه بحالهم ؟؟
لو يوم المطرة احد المسؤولين عانى ماعانيته من صعوبة المطر والوصول لبيوتهم لعمل جاهدا لحل الازنة ولفتح المجاري اخبرك عنا هنا بالسويد تعرفين الان اغلب الاحيان مطر حتى نزل عندنا القليل من الثلج بس لانشعر بوجوده اغلب الشوارع المجاري مفتوحة ولاتشهرين بوحوده لام عند استيقتظك صباحا كان الشوارع غسلن وكل شيء طبيعي اذمر سنة من السنين بالعراق كنت بالعراق وفعلا غرقت بغداد والماء يدخل للسيارة ورجعت سباحة لبيتنا والله ومن تعبي امسكت بعمود كعرباء صرخ بي احدهم اتركيه فمن الصواقع اسلاك الكهرباء تدلن ولم انظر اليها لولا ستر الله ولطفه ... يارب يسمه صوتك احد المسؤولين ويمظفوا المجاري وتكون بغداد اجمل من السويد واحلى عاصمة بالدنيا
تحياتي
زيمب بابان
السويد

الاسم: حسين الخضيري
التاريخ: 02/11/2008 18:31:51
لكن العجب العجب العجب ...وكل العجب من الناس ...والعتب العتب العتب ...وكل العتب على الناس الذين يصدقون هؤلاء ويتبعونهم ...ألا يعلم الناس أن هذا التصرف يجسد حقيقة الاستخفاف والانتهاك لإنسانيتهم والاستصغار والاحتقار لنفوسهم وعقولهم وأفكارهم ...ألم يعلم هؤلاء أن فرعون استخف بقومه فأطاعوه ...فلماذا تكون أسوتنا و قدوتنا قوم فرعون فيستخف بنا البعض ونطيعهم.. لماذا ...؟؟؟ قال مولانا العظيم { فَاسْتَخَفَّ قَوْمَهُ فَأَطاعُوهُ إِنَّهُمْ كانُوا قَوْماً فاسِقِينَ } زخرف/54 .

الاسم: اسماء محمد مصطفى
التاريخ: 02/11/2008 18:06:53
الصديقة الفاضلة ايمان اسماعيل
تحية الورد الندي
حياتنا واحلامنا ، ايضا ، ذهبت مع الريح !
اشكرك لمرورك الكريم
تقبلي مني وافر التقدير

*****
الاخ الفاضل غزوان العيساوي
تحية الغيث
صدقت اخي لاسيما في خلط الناس شعبان برمضان بسبب كثرة الضغوط ، ومع ذلك قد يستفز المسؤول ان يشير قلم صحافي الى خلل في اداء مؤسسته.
اشكرك لمرورك الكريم
تقبل وافر التقدير

*****

الاخ الفاضل حيدر الفهد
تحية الغيث
( الكلام دوخة ، والحجي ماينراد ) احترنا ( نحجي لو مانحجي ) ؟!!
شكرا لمرورك الكريم
تقبل وافر التقدير

الاسم: علي عبد النبي الزيدي
التاريخ: 02/11/2008 18:02:16
اختي اسماء
جاءتني الدعوة للكتابة على ايميلي ، قلت قبل ان اقرأ الموضوع ربما تريد اختنا الغالية اسماء ان تعلن عن مسابقة ياسمها ، ولم لا . ولكن كما يبدو لي الموضوع فيه شيء من الاثارة .
من المؤكد سأكون انا اكبر الخاسرين كعادتي ولن اجيب على اي سؤال لان ذاكرتي لم تعد صالحة للاجابة عن اي سؤال ، لانني اعيش في وطن عليك ان تشطب على عقلك ووعيك حتى تستطيع العيش فيه ، الوطن الذي هو وعاء لخساراتنا التي لا تنتهي ،اما المطر فهو خير في كل بلدان العالم الا العراق فهو مصيبية تضاف الى مصائبنا اليومية ، ولانني اعيش في مدينة الناصرية التي اكلوا عمرها ورتركوها عظاما بعدما استولوا على الحكم من بابها الواسع .. فهذا يكفي لتعرفي حجم المأساة التي جلبها المطر ..

الاسم: اسماء محمد مصطفى
التاريخ: 02/11/2008 17:59:11
الاخت الفاضلة فاطمة العراقية
تحية الورد الندي
( وفيتي وكفيتي ) بمااوردته من اغانٍ تراثية .
اشكرك لسخاء مرورك
تقبلي وافر التقدير

*****

الاخت الفاضلة الدكتورة سليمة سلطان نور
تحية الورد الندي
لم تنفع مع المسؤول الكتابة بالفصحى ، واذا لم تنفع معه الكتابة بالعامية ، سنكتب بالمسمارية !!!
اشكرك لمرورك وشعورك النبيل
تقبلي مني وافر التقدير

*****

الاخ الفاضل الدكتور عبد الكريم عطاكريم
تحية الغيث
يوم المطر ، يسعدنا فيه امران مهمان : الاول انه يروي دجلة والفرات بالماء ، والثاني انه يغذي الزرع .
اشكرك لمرورك الكريم وشعورك النبيل
تقبل مني وافر التقدير

*****
الاخ الفاضل اثير الخاقاني
تحية الغيث
اشكرك لمرورك الثاني ، ولأن النقاش يطول ، ساكتفي بالقول ان كتابا كبارا عراقيين وعرباً نجد في اعمالهم الادبية استثمارا للهجة العامية ، وشخصيا لم يسبق ان كتبت مقالا بالعامية من قبل ، لكنني استخدمته هنا نوعا من الفانتازيابمنظور شعبي محبب الى القارئ العادي وحتى المثقف عموما ، قصدت به ان الكتابة بالفصحى لم تنفع مع المسؤول ، فلنجرب الكتابة بالعامية ، عله يفهم !!!
واؤكد ان اللغة الفصحى هي القاعدة والاساس ولن تزحف عليها العامية ، مثلما لم يزحف الادب الشعبي على الادب الفصيح بل احتفظ كل منهما بخصوصيته .
اماتعالي المسؤول ، فيعود الى كونه صاحب الكرسي الذي قد لاتعنيه الثقافة عموما ، ولربما هو في داخله يخشى المثقف ، لذا لايمنحه الفرصة ويتظاهر امامه بالتعالي ..
رأيك احترمه بل ان الاراء المخالفة غالبا ما توحي للكاتب بفكرة الكتابة عن موضوع جدلي يثير اوجه النقاش ويثريها .. والاختلاف في الرأي لايفسد للود قضية

تقبل وافر التقدير

*****
الاخ الدكتور جاسم خلف الياس
تحية الغيث
عذرا ، حصل خطأ طباعي في جملة يتضمنها تعقيبي السابق على تعليقك ، والصحيح هو : لابأس بالكتابة بالعامية حين الضرورة القصوى وبحدود ضيقة ، وشريطة الا تكون خطاً دائما بشكل يهدد الفصحى ، فالفصحى هي القاعدة في الكتابة ..
تقبل وافر التقدير

*****
الاخ الفاضل حسين الدراجي
تحية الغيث
بالتأكيد كل الاراء جديرة بالاحترام .
واشارة الى موضوع تغيير آليات الادارة ، فإن هذا ما قد لايسمح به المسؤول ، اذ لربما لايتوافق ذلك مع مصالحه وتوجهاته .
تقبل وافر التقدير


الاسم: اسماء محمد مصطفى
التاريخ: 02/11/2008 16:55:43
الاخ الفاضل محمود جبار
تحية الغيث
( كفيت ووفيت يامسؤول يا كلش جبير ) ، لكن نحن من لايعجبنا العجب ..
ولمناسبة ايرادك اسم الزميل كريم كلش ، اود القول ان زميلنا كلش هو احد العراقيين المغضوب عليهم ، وقد تعرض للاساءة في منطقته فاضطر للسكن في منطقة اخرى ثم بشق الانفس استطاع شراء قطعة ارض في منطقة نائية جدا يغطيها التراب ولاماء ولاكهرباء فيها ، و لااي خدمات بلدية ، بنى قطعة الارض وتصور انه حقق وضعا افضل لعائلته ، لكن المنطقة استهدفت واضطر لترك منزله والسكن بالايجار في منطقة اخرى ، ثم تعرض شقيقاه للخطف والقتل ، فامسى كريم مسؤولا عن عائلته وعائلتي شقيقيه في هذا الزمن الصعب .. الله يعينك زميلنا كريم .
تقبل مني اخي الفاضل محمود وافر التقدير

*****
الاخ الفاضل حسين جنكيز
تحية الغيث
ان شاء الله تعليقك يصيب في صميم المسؤول .
تقبل مني وافر التقدير

الاسم: زينب صافي عباس
التاريخ: 02/11/2008 16:53:39
احييك استاذتي قكلامك مثل قطرات المطر في يوم قائض حيث ينعش ذاكرة الادباء والشعراء فهو موحي بكل مافيه وهو ليس بلغريب عنا فانت دائما تكرمينا بزخات المطر ايتها الجميلة في كل شئ زينب صافي

الاسم: حيدر الفهد
التاريخ: 02/11/2008 15:08:17
الاخت أسماء
الكلام دوخة
والسكتة ما تنراد
والله يساعدج يا بغداد

الاسم: غزوان العيساوي
التاريخ: 02/11/2008 13:41:19
الاخت العزيزة اسماء
دوما انتي مبدعة وهاهي ابداعاتكي تنهل علينا فشكرا لكي

الاخت الكريمة هل سمعتي بصكر بيت فليح ,اصبحنا كذلك فلدينا صكر يختلف عن الذي لدى الجميع فقط الصكر الذي لدينا ياتي بالحيايه والعقارب لنا ....
اما المطره سوتهه ويانه مثل الي اجه ايكحله عماها عود ردنه نخلص من التراب وكعنه بالطين ...
واقول هل ينطبق المثل هنا او الاغنيه العراقية تيهنه مانعرف الاغنيه من المثل ومثل ذاك من ضربوه وصاح ميووو بعدين صاح عوووووتيهنه كل شي ....
فالمثل ايكول حجيك مطر صيف ميبلل الي يحجون...
وكمنه نخلط شعبان برمضان وتيهنه المشيتين ...
شكرا للاخت العزيزة
غزوان العيساوي
العراق النجف الاشرف

الاسم: ايمان اسماعيل
التاريخ: 02/11/2008 12:37:26
عزيزتي اسماء انت دائما تضعين يديك على الوجع العراقي فعلا مع اول زخة مطر غر ق العراق كله وليس في بغداد والغريب اين ندير البصر نجدالامانة تحفر فقط في الارصفة وتضع الحواجز الحديدية ومن الطريف المبكي شارعان في منطقة واحدة ياخذهماا كثر من مقاول لينهار احدهم مع مروراول سيارة تمر به لتذهب المزانية الانفجاريةمع فلم ذهب مع الريح و يستمر عيد ميلاد مطرة وطينة

الاسم: حسين الدراجي
التاريخ: 02/11/2008 12:22:32
تحيه الك..اسماء محمد مصطفي ...وشكرا لكل عراقي يحمل هموم العراقي..ولكن الم يكن ..اول الغيث قطرة مطر..
ومادام هيج الحجي صار عالمكشوف خلي ..النقاط عالحروف
عراقنا الحبيب..معاناة شعبه من كم عقد مضى..مثل هيجي حال لا ويمكن اتعس واتعس..والمسؤول الي هو مثل مايسموه الاخوه مطيرجي افضل من راعي حضيرة بغال بالجيش ويجي لوحده ويصير نائب رئيس ..واني بهذا الحجي مااريد ادعم المسؤول صاحب النظره الضيقه او المنتفع على حساب المال العام ولكن ..نبحث بتغيير اليات الاداره لا اقصاء المسؤولين لعل القادم اتعس ..مع احترامي لكل الاراء
ومنريد زخت مطر او انقطاع تيار كهربائي او ازمة وقود او او او ...تخسرنا مكاسبنا الي ضحينا من اجلها بالغالي وماهو الاغلى من الغالي ...
شكرا مره ثانيه على سعة صدر القارىء

الاسم: د. عبد الكريم عطا كريم
التاريخ: 02/11/2008 11:35:47
بسم الله الرحمن الرحيم
الغاليه والفاضله اسماء
في الحقيقه انا اقرا موضوعك وعقلي يصور الاحداث كما كتبتي
لااستطيع القول الا
لاحياء لم تنادي
لينظروا الى البلدان الذي لاتملك ثروات كيف هي الحياة عندهم
ان يوم المطر هو يوم فرح على جبين كل طبقات الشعب
الله يكون بعونك وعون العراقيين اللي ماشافوا راحه
ربي يمته العراقيين يشوفون اراحه
احنه بعصر الانترنيت وبغداد فيها المعاناة اللي كتبته اسماء
وكتبت اسماء الشئ القليل
اتمنى يااسماء ان يسمع ويقرا المسؤولين هذا المقال الرائع
وارجع واكول
اليدري يدري والمايدري........................
ابارك لك كتاباتك ياايتها العراقيه الاصيله
مع تحياتي
الاستاذ الدكتور
عبد الكريم عطا كريم
عراقي مقيم في المغرب

الاسم: حسين موسى جنكير
التاريخ: 02/11/2008 11:33:06
الاخت العزيزه اسماء ان ماسبقتك كما قلت في البدايه
(مسابقتج مطر صيف......مايبلل المسؤول)
تحياتي

الاسم: اثير الخاقاني
التاريخ: 02/11/2008 10:24:55
السلام عليكم
لم اقصد ان الحديث يااختي الفاضلة عن الخدمات والمعاناة الانسانية هي السوالف التي عفى عليها الزمن ولكن ماعنيته وهو واضح هو الطريقة التي يكتب بها المثقف عن هذه الماساة هي تناسبه كمثقف ام قد تجعله متساوي الشان مع الذين يتحدثون عن مشاكلهم بلغة الشارع التي جرئت في اقل الحالات المسؤول والمخاطب على التغاضي والتعالي على المثقف وخطابه ...اشكركم على كل حال

الاسم: اسماء محمد مصطفى
التاريخ: 02/11/2008 08:51:39
الاخ الفاضل موفق احمد من هولندا
تحية الغيث
الله يرحم المواطن
تقبل وافر التقدير

*****
الاخ الفاضل حبيب النايف
تحية الغيث
صدقت اخي ، اتفق معك على اهمية ان نكتب ونكتب عن الظواهر السلبية حتى لو لم نحصل على نتائج ايجابية من قبل المسؤول ، لانه ليس من المروءة ان يسكت الانسان لاسيما صاحب القلم عن قول الحق .. ان القلم هو وجدان وضمير وصوت الناس ، فكيف نسكت القلم او نمنعه من الكتابة عن تشخيص المرار في حياة الناس ؟
اشكرك اخي الفاضل لمرورك الكريم الذي ضرب بالعظم
تقبل وافر التقدير

*****
الاخ الفاضل رحيم الغالبي
تحية الغيث
صدقت يااخي ، انهم مشغولون بامور اخرى ، المواطن ليس في قائمة اهتماماتهم .
تقبل مني وافر التقدير

*****
الاخت الفاضلة شبعاد جبار
تحية الورد الندي
سعر النفط انخفض
لكن ربما حصة الحرامية لاتنخفض ، اذا ما ابقوا على حصصهم كما هي ، وانقصوا فارق الميزانية من حصة الرواتب !!! انها مخاوف الناس الان
تقبلي مني وافر التقدير

*****
الاخ الفاضل سلام نوري
تحية الغيث
اشكرك على الاهازيج والهوسات الشعبية
سننتظر تذكرك المزيد منها
تقبل وافر التقدير

الاسم: اسماء محمد مصطفى
التاريخ: 02/11/2008 08:37:23
الاخ علي حيدر
تحية الغيث
العراق كله في عيوننا ، بغداد والمحافظات ، لافرق ، كلنا عراقيون ، معاناة واحدة ومصير واحد ، وحين نكتب عن معاناة حصلت في بغداد فاننا نأخذها مثالا يعمم على بقية المدن ، واتمنى على الصحافيين الذين يسكنون المحافظات ان يكتبوا عن معاناة المحافظات ميدانيا ،بشكا اكبر اذا اكان هناك تقصير من قبلهم في ايصال اصوات اهالي المحافظات عبر الاعلام ، مع انه توجد صحف كثيرة تنطق بلسان اهالينا في مدن العراق الاخرى .. واما نظرة التمييز بين اهل هذه المحافظة او تلك فهي نظرة غير موضوعية ، ولا اعتقد بوجودها في وسائل الاعلام العراقية .
تقبل وافر التقدير

الاسم: فاطمة العراقية
التاريخ: 02/11/2008 06:39:05
وهذه منولوجات الى فاضل رشيد الله يرحم الكل اذا ماتو واذا عايشين الله يرحمهم.يكول (راتب هذا اليوم انطونا سلمته بيد الخاتونةبس يومين ويو الثالث سوتله اجناحات وطار طار يستار )وهذا يكول عزيز علي هم الله يرحمة (احنا عدنا بستان ماملكه انسان بيها ااشكال الفواكه كلها خو ورمان)
وهسةونغني شي حلو كلفي مغثة .اخذني الشوك بجاحة اجيت بروح مرتاحة لكيت الريف بستان اغاني الفرح الوان لكيت الحلوة فلاحة لكيت السمرة فلاحة ..
وصاحك نوزيعراقي صباحك ينورك لاح عل الدنيا صباحك
صباحك نور واكثر والف واكثر على بيوتات اهلنة يكون اكبر صباحك نور يعراقي صباحك . ويلي نسيتونا يمته تذكرونا يمت نجي على البا وتساعدن الحل يمتة
وهاي اخير شي لان خاف تبزعون (احلام وهبي تكول (يايمة ثاري اهواي سلوة الي بدنياي بالكاس اشوفة يلوح لو ردت اشرب الماي(ولفي وعلي غالي ماغيرة يحلالي.لاجلة تلفت حالي .المهم اسو حبي الاغاني هواية وانا بليه غرور ارشيف شتريدين حاضرة وداعتج
كولي وادللي..يله على حمام عليل لو طالت الغيبي ابد لاتزعلي نصعد على تل التبت خلي ياخذنا الكت يله يله


ز

الاسم: فاطمة العراقية
التاريخ: 02/11/2008 06:25:11
حبيبتي (اسو)انا كتبت تعليق لكن بما انو باعثين المساهم على الاميل ...فراح اشترك بأغاني نوعا ما تشبه المأساة ولو اني مااحب نكول هيج يبقى العراقبالف خير بجفوف الورد من الخيرات والخيرين..غصب على الكل
الاغاني تراثية ..
هايتكول (مليان كلبي قهر يناس انا مليان كل يوم اني عمي يمر لكن ابد يم البخت نايم.)
وذذذذذبيت روحي اعلى الجرش وادري الجرش ياذيها ساعة واكسر المجرشة والعن ابو راعيها .هم هاي دنيا وتنكظي وحساب اكو تاليها ساعة واكسر المجرشة والعن ابو راعيها.
بابو بشت بيش يلشت وانجان انت من الخلك وياهم علىراسي العبت لالا يابو بشت ترة موخوش بلشت

الاسم: الدكتورة سليمة سلطان نور
التاريخ: 02/11/2008 06:18:47
بسم الله الرحمن الرحيم
السلام عليكم ورحمة الله وبركاته الغالية اسماء انت مذهلة الروعة فعلا ولديك حس انساني وصحفي وابداعي عالي ، اردت ان اشكر متررررررة وتييينة فري مج بالانكليصي لاحظي الانكليصي لانهم السبب في ابداعك لهذه المقالة التي استفزت هذه الردود الجملية وخصوصا رد الاستاذ محمود جبار البديع فعلا ، هاي رب ضارة نافعة ، طبعا استطيع ان اتصور المشهد لانه اصلا حاضر في كل العراق ، بس ابقى استغرب يعني ماكو أي ذرة احساس عند المسؤولين ابد ماتشيلهم الغيرة علينا فد نوب لهنا وصلت . زين اذا ماتشيلهم الغيرة والمروة علينا واحنا اخوتهم واهلهم وناسهم ماينقهرون على رواحهم حياتهم كلها ركض ولهثة وخوف علمود شنو بعدين شيقولون عنهم يعني ؟ على كل حال كل لشة معلكة من كراعها يعني حيروا انتم بنفسكم ، اهنئك واشد على يدك والى الامام

الاسم: حسين الخضيري
التاريخ: 02/11/2008 06:05:57
سلام عليكم ورحمة الله
أختي اسماء
بارك الله بكِ وبشعورك الجميل وأحساسك بالمسؤليه أتجاه هذا البلد المظلوم
واجبنا اليوم أمام الله وامام أنفسنا بان نمكن الرجل الوطني الشريف هو من يتصدى لقيادة البلد حتى لا نبقى تحت ظل الفساد الأداري والمحسوبيات واجبنا هو وضع الرجل المناسب في المكان المناسب وبغض النظر لأنتمائه الديني أو المذهبي المهم علينا ان يكون من يمثلنا هو اهلا للتمثيل والمسؤليه
شكرا أختي الكريمة وبأنتضار الأجمل والأفضل

الاسم: سلام نوري
التاريخ: 02/11/2008 04:53:11
اخيتي العزيزة اسماء
الميت ميتنا وحنا اللطامة
اتذكر هوسة ما ادري مصدرها اتكول
حكومتنا الغبية وين تردين
نسوان وزم نشتغل بالطين
وفيه اهزوجةاخرى تقول
يردح حيل الماشايفها
والشايفها ايشدله اعمامة
وهناك ترديدة كان الشيوخ يترنون فيها وهي اش غباءا من ان تقال تردد
حط بيها مشطين لخالك
هسه صارت
سويلة تبليط لخالك
اسماء وهواي كولات وترديدات مال العمارة
راح ارجع لما اتذكر
تسلمي

حط بيها تبل

الاسم: شبعاد جبار
التاريخ: 01/11/2008 21:32:43
عزيزتي اسماء
الله يساعدها مطرة وطينة يمكن بعد ماتكدر تسوي حتى عيد ميلاد حبيبة..السبب الانخفاض الكبير في عائدات النفط لان وصل برميل النفط الى نصف سعره عن العام الماضي ..انا بصراحة انقهرت عليهم الحرامية لان نصيبهم بعد القسمة بيناتهم راح يقل هالسنة ..ديروا بالكم لايسوولكم سندات صمود اي ويطلعون فتوة لازم تصمدون وتتحملون لا بل تدفعون الفرق حتى هم يصمدون فلوس ببنوك الغرب اي خو مو يطلع الفرق من جيبهم لا من جلودكم حبيبة وهذا الشتايكر اللي يفلشوه كل سنه حتى يجيبون غيره ويسون ارصفة الاعمار الذي اشتهر بالعراق هذا هم ماراح يسووه بشوارعكم خل تفرح طينة وتطك اصبعتين مطيرة ..منين يجيبون خو مو يصرفون الميزانية عليكم ويكعدون هم "ملازي" وملازي هاي اكيد هم يعرفوها ..مشو بوزكم ياعراقيين واغسلوا ايديكم بسبع شطوط

الاسم: رحيم الغالبي
التاريخ: 01/11/2008 20:51:14
لنواب مهتمين باصدار قانون العطل والمناسبات بحيث
ماكو دوام اكثر ايام السنه مولد ووفاة كل امام ونبي
وعطلة جمعة وسبت كل اسبوع شنو خدمات شنو مدارس شنو انتاج

الاسم: حبيب النايف
التاريخ: 01/11/2008 20:42:29
خويةاسماء شلونج يكولون اهلنة كبل الدنيا من تمطر خير والمطر يغسل الذنوب ومادام السنة المطر مهرف وغركت الديرة بلجي الخير يفيض ويوصل لسبعة من الجيران لان اذا زاد الخير تبدة
والله ماينسة عبادة مو مثل البشر اذا سنة تمحل تجي سنة يزيد خيرهة او ماتضيج الا تفرج يختي وكل مشكلة والهة حلال بس عبادة همة الماعدهم جلمة اشما يحجون ماعدهم حجاية صحيح بالرغم من كعداتهم معدله وهناديمه مهندزة وتشيفهم جنهم فسيفس واحدهم بكعته لجن مانسمع جلمة رحمان كل سوالفهم طك بطك هنا هنا اهناك اهناك وكل سوالفهم ما توكل خبز ولو يكولون اكعد اعوج وحجي عدل بس الجماعة يمشون على طريقة الجذب المصفط احسن من الصدك المخربط وكل واحد يطلع ينفخ علينة ويبرم بروسنة وتايها بس تسطر حجي مطرة وحدة غركتنة وظلينة نعبر بلبلام
بس احنة لازم مانسكت نظل نسولف وحجي ونكشف الحرامية ويظل قلمنة باشط يذبح الطير مادام ماعدنة شي نخاف عليه ونحجي صدك لان حرامي لاتصير من السلطان لاتخاف ونحاول نوصل كل شي حتى الكل يعرف لان المايشوف بالمنخل عمة العما
ومادام السنة المطرة زينة ويكولون ماي المطر يحجي الاخرس خلي نشربة لان ماينة ماينشرب ريحته تكطع الزردوم وملنة نشتري ماي ارو وحتى هذا ظلو يغشون بيه على كل يختي ننتظر مطرة جديدة وبلكي يصير خير وما يتلفج الطين ويصعد وياج للهامة

الاسم: اسماء محمد مصطفى
التاريخ: 01/11/2008 20:10:06
الاخ الفاضل اثير الخاقاني
تحية الغيث
اتفق معك على ان من حق كل انسان ان يبدي رأيه في كل ظاهرة وحادثة ، لكنك تقول :
( هل ماينفع الامة على المستوى العربي والاسلامي او على الاضيق منه الشان العراقي سوالف شاخت و عفى عليها الزمان )
واقول :
فعلا ، الحديث عن رداءة الخدمات وحرمان المواطن من ابسط حقوقه الانسانية بل شعوره بالذل اليومي الذي يعيشه والاهانة التي يتعرض لها في بلده ، هو قضايا شاخت وعفا عليها الزمان ، نعم ، جراحنا ومعاناتنااليومية موضة قديمة لا تستحق ان نقف عندها !!!
عجبي !! ماجدوى القلم ان لم يكن قريبا من الناس ، البسطاء وغير البسطاء ، ماجدواه ان هو تعالى على نبض الشارع ، وانزوى ، صدقني يااخي ، اقرب الكتاب الى الناس هم من يكتبون عن عذابات واقعه اليومي .
اننا نتحدث هنا عن اعلام ، وكتابة صحافية، وليس عن كتابة ادبية او فكرية متخصصة .. الادب والفكر ضرورة لبناء المجتمعات ، لكن كيف يجد الفكر طريقه بين الناس ان هم كانوا مشغولين بالمعاناة في واقع تعيس ؟! وانا هنا لااقلل من قيمة الكتابات الفكرية ، بيد انه من المهم ان نميز بين كتابات للنخبة ، وكتابات للجميع ، ولااريد ان اقول العامة ، لان عددا كبيرا من المثقفين يهتمون بقراءة الكتابات التي تلامس نبض الشارع ، وكيف لا والمثقف انسان يشعر مرتين ، مرة بصفته انسانا يعاني الواقع ، ومرة بصفته مثقفا اكثر تحسسا للوجع .
واما الكتابة بالعامية ، فليست هي القاعدة ،بل هي شباك صغير امام نافذة كبيرة هي الفصحى . العامية لن تهدد الفصحى ، لسبب بسيط ان العامية مفهومة محليا في حدود كل بلد نسبيا ، بينما اللغة العربية الفصحى تعبر المسافات والحدود ويفهمها جميع ابناء البلدان العربية .
ولا اعتقد ان احدنا يحب ان تبقى كتاباته وافكاره محصورة باطار محلي ، فلاينطلق نحو الاخر خارج الحدود ويتفاعل .
ان الصحيفة العامة غير المتخصصة ، مثالا، تتنوع فيها الصفحات واساليب الكتابات ، لذا تعد الطروحات الصحافية النابضة بهم الانسان المعاشي اليومي مكملة للطروحات الفكرية والثقافية ،وبالعكس ، وليس من المعقول ان تظهر صحيفةعامة كلهابنمط واحد ، صفحات فكرية ثقافية فقط ، والا كانت محط اهتمام النخب فقط ، ما يعني تعاليها وبعدها عن الانسان الاخر الذي لاينتمي للنخب .. وهكذا فإن المواقع الالكترونية الاعلامية غير المتخصصة يجب ان تكون حاضنة لمختلف الكتابات والاساليب والانماط لكي تكون شاملة ومنوعة يجد فيها القارئ الموضوع الجاد والساخر ، الثقافي والعام.. الخ ..، ملبية لاذواق الجميع ، وليس ذوق هذا على حساب ذاك .
هذه ليست مسابقة ثقافية حقيقية بل نوع من المشاكسة الصحافية التي يرتاح المواطن المهموم حين يجدها في الصحف والمواقع لانها لسان حاله .
والحديث يطول ، لذا ساعود لاحقا ولكن بمقال ان شاء الله .
اشكرك لمروك الكريم
تقبل وافر التقدير

الاسم: اسماء محمد مصطفى
التاريخ: 01/11/2008 19:25:26
الاخ غفار عفراوي
عذرا ، حصل لدي خطا طباعي في تعقيبي على تعليقك ،فكتبت كلمة الالم بدلا عن الامل : ( ما اضيق العيش لولا فسحة الامل ) .. هذا الخطا يبدو انه مرتبط بالشعور الباطني ، فلكثرة ما ملأ الالم حياتنا، صار حاضرا السطر لامحالة ورغما عنا ..
الالم والامل .. الحروف نفسها ، الفارق في ترتيب الحروف ، ياللمصادفة اللغوية ..

*****
تحية لعفراوي الذي مرّ بالموضوع من غير لقب ( العراقي سابقا ) ..
نحن عراقيون سابقا والان ولاحقا .. اليس كذلك ؟

الاسم: اسماء محمد مصطفى
التاريخ: 01/11/2008 19:18:23
الاخ الفاضل غفار عفراوي
( دتنفخون بقربة مخرومة )
لعد اخذ مني هاي الحكمة :
انفخ بقربة مخرومة
ولا تنفخ بمسؤول مخروم ... هههههههههه

*****
الامل في العراق .. سيبقى ، لان غياب الامل عنه يعني اعلان موتنا ، ونحن ما زلنا ، لم نمت بعد .. و( ما اضيق العيش لولا فسحة الالم ) ..
اشكرك لمرورك الكريم ، تقبل مني وافر التقدير

الاسم: اسماء محمد مصطفى
التاريخ: 01/11/2008 19:12:49
الاخ الفاضل الدكتور هاشم عبود
تحية الغيث الذي ننتظر لعراقنا
الاوجاع تكبر وامنياتنا كما هي ما زالت ، لم تتغير
، ان تشرق الشمس ..
اشكرك لشعورك النبيل والطيب ، وأقول ايضا ان القرب من الناس وتحسس همومهم ضرورة للكاتب ..
تقبل وافر التقدير

*****
الاخ الفاضل جعفر المهاجر
تحية الغيث
اشكرك لمرورك الكريم و مااخترته حضرتك من مقولة شعبية لاذعة تضرب بالعظم
تقبل مني وافر التقدير

*****
الاخ الفاضل عبد الجبار الحمدي
تحية الغيث
اشكرك لمرورك الكريم ولما اخترته من امثال واقوال شعبية بدءًا من ( الدخان اللي عمانا والطبخ اللي ما جانا ) وصولاً الى ( التبربش ولا العمى ) ..
تقبل وافر التقدير

*****
الاخت الفاضلة مروة العميدي
تحية الورد الندي
( هجمتي علينافد هجمة بالامثال ...ما نطيتينا لا فرصة لا مجال ) .. واضح انك اتيت الى المسابقة باصرار وثقة ..
اشكرك لمرورك اللطيف
تقبلي تحياتي

*****
الاخ الفاضل منذر عبد الحر
تحية الوجع العراقي الذي نحلم بان ينتهي
اشكرك لمرورك الكريم
تقبل وافر التقدير

*****
الاخ الفاضل جاسم خلف الياس
تحية الغيث
السخرية قريبة للقلب لانها تتناول المبكي المضحك او العكس في آن واحد .. واما العامية فهي نافذة صغيرة فتحناها في هذا الموضوع لتعلقه بظاهرة وجدت ان التعبير عنها بالفصحى لن يكون كوقع التعبير بالعامية ، مع اني من المتعلقين باللغة العربية الفصحى ، اما لماذا وجدت ذلك ، فلأن العامية تكتنز اقوالا لاذعة ومفردات ساخرة قريبة الى المواطن البسيط وغير البسيط ونتحدث بها كلنا في مجالسنا .. لابأس بالفصحى شريطة الا تكون خطاً دائما بشكل يهدد الفصحى ، فالفصحى هي القاعدة في الكتابة ..
اشكرك لمرورك الكريم وارائك السديدة
تقبل مني وافر التقدير

*****
الاخ الفاضل ضياء كامل
تحية الغيث
النكتة التي اوردتها حضرتك هي احلى واظرف نكتة قرأتها او سمعتها في هذه الايام .. و( جاية عدل بالصميم ) ..
اشكرك لمرورك الكريم وخفيف الظل
تقبل وافر التقدير

*****
الاخت الفاضلة كريمة الشمري
تحية الورد الندي
صدقت ِ ، لو كان السائد العمل بقاعدة الرجل المناسب في المكان المناسب ، ومنح الكفاءات المخلصة فرصها كاملة ، لما كانت احوالنا كما هي الان ..
ولو تحقق للمواطن واقعا افضل ، لكان بث قيم التحضر ايسر ، فهو الان يرى كل شيء فوضى في فوضى ، لذا يقول ( هيه بقت عليه .. اني شعليه ) ..
اشكرك لمرورك الكريم ياكريمة
تقبلي وافر التقدير

*****
الاخ الفاضل دهام حسن
تحية الغيث
حين كنت اكتب الموضوع ، فكرت فعلا بكتابته باللهجتين المصرية والشامية ،كلنت فكرة ومضت ، لكن حينذاك كان الموضوع سيطول كثيرا .. لذا فإن احدى ميزات الفصحى انها تصل للجميع
اشكرك لمرورك الكريم ، تقبل مني وافر التقدير

*****
الاخت الفاضلة ليال فردان النويس
تحية الورد الندي
شعورك النبيل والجميل يسعدنا ايتها الاخت الراقية ، لانه يشعرنا بإننا لسنا وحدنا ، بل هناك من يحس بنا وبآهاتنا .
النكتة ياعزيزتي ضرورية ونحن في قمة الوجع ، انها تمنحنا فرصة لنلتقط نفسا ونسرق ضحكة من الزمن القاسي .
وشر البلية ما يضحك ..
اشكرك لمرورك الكريم
تقبلي وافر التقدير

الاسم: اسماء محمد مصطفى
التاريخ: 01/11/2008 18:25:40
الاخ الفاضل كاظم الحمامي
تحية الغيث
مقامتك المطرية
حطت على المكان بسرعة ضوئية
احسسنا بوجع السطور فيها
لكن ياللاسف لايفهم مغزاها
من يسكن الابراج العاجية
*****
شكرا لمرورك الكريم

الاسم: اسماء محمد مصطفى
التاريخ: 01/11/2008 18:21:29
الاخ الفاضل وداد فاخر
تحية الغيث
( ليس لديك تعليق ) ، طبعا هذا من حقك ،
لكن لدي كلمة شكر وتقدير لمرورك الكريم

الاسم: موفق احمد - هولندا
التاريخ: 01/11/2008 18:18:02
برافو..اتمنى ان تكملين مسلسلك..الف نعله ونعله..ع روسنا..كي يستمتعون شهريارات العصر والمغرب..ولاتنسي ذكر المصدر:المواطن المنعول ابن..ال..... الخوش اوادم.

الاسم: اسماء محمد مصطفى
التاريخ: 01/11/2008 17:59:21
الاخ الفاضل جواد كاظم اسماعيل
تحية الغيث
غيث غيث غيث على عيون العراقيين بالخير انهمر ..
اشكرك لمرورك الكريم وكلماتك النابضة بألم عراقي لاندري متى يكف عن المكوث في قلوبنا؟!

*****
الاخ الفاضل صباح محسن كاظم
تحية الغيث
اعادة النظر مسؤولية اخلاقية تتعلق بالضمير ، ومادام الضمير غائبا لدى اولئك ، فسيبقون ( يقشرون الموز ويزحلقون ) ..
اشكرك لمرورك الكريم

*****
الاخ الفاضل حمودي الكناني
تحية الغيث
اكيد كان خارج بغداد مطر وطين ايضا ، لأن لـ ( مطرة وطينة) عائلة طويلة عريضة عبارة عن ( مطرات وطينات) موزعات (بعدالة) بين مدن العراق الجريح ..
اشكرك لمرورك الكريم

*****
الاخت الفاضلة رشا الطيار
تحية الورد الندي بالغيث
(الكبارية .. لاالفصحى يفيد بيهم .. لا العامية تفيد .. لعد شيفيد) هاي شلون حيرة يرادلها خطة خطيرة !؟
شكرا لمرورك الكريم

*****
الاخت الفاضلة بشرى الخزرجي
تحية الورد الندي بالغيث
المسالة تحتاج الى توعية بالنظافة ، ليس نظافة الامكنة فقط وانما نظافة النفوس ، وحين تنظف النفوس يكون نشر ثقافة الاخلاص ايسر بكثير مما يمكن ان تحقق المحاولة اليوم.
اتفهم شعورك بالحنين للعراق ، وفعلاً تراب الوطن غال وعزيزبالرغم من كل شيء..
شكرا لمرورك الكريم

*****
الاخت الفاضلة حذام يوسف طاهر
تحية الورد بغيث الوطن الحلم
تسألين ياحذام :
(طيب احنة منو راح يعبرنا بالمطرة الجاية ) ؟
واجيب : ( مو كل مرة تسلم الجرة ) .. (حاولي ما تطلعين بالشتا احسن ههههههههه) ..
شكرا لمرورك الكريم

*****
الاخ الفاضل جبار عودة الخطاط
تحية الغيث
حين حصل ماحصل قال الالم انتظروا انتظروا لاتستعجلوا ، انا آت اليكم بعد قليل !!
لكن نقول الله كريم .
شكرا للقصيدة الشعبية التي قدمتها لنا في تعليقك
اشكرك ايضا لمرورك الكريم .

الاسم: محمود جبار
التاريخ: 01/11/2008 17:29:19
أييييبااااااخ !!!!!!!!!!!!!!!!
أويلللييييييييييي !!!!!!!!!!!!
هاي شنووووووووووو !!!!!!!!!!!!
شسويتتتيييييييييي ست أسماااااااااء !!!!
قهرتيني !!! خبلتيني !! صرت سويج !! كمت أهلس بشعري !!!
شنو هالضبابيةةةةةةةةة والسوداويةةةةةةة والظلاميةةةةةة
يعني شتريدين أسوي بعد !!! أحفر الشارع مايعجبكم أبلط الشارع ميعجبك أصخم الرصيف مايعجبكم أسويلكم حدايق مايعجبكم أنصب مراجيح تمرجحكم ميعجبكم أنصب زحليكانات تزحلكم ميعجبكم أسويلكم نافورات تبللكم مايعجبكم وفوك كل هذا أنوب علية بشرى الخزرجي ماعاجبهة مكيفة ومتعجبة بلندن يعني لندن مثل بغداد ؟ لندن بيهة عواصف ترابية ؟ ها ؟ كليللي ؟ ليش سكتي ؟ أحجي كولي ؟لو هم العواصف الترابية أني مسويهة ؟ صدك لو كال عبدالله أفندي عجيب أمور غريب قضية !! زين فؤاد سالم شجابة بالنص ؟ حجيك مطر صيف مابلل اليمشون !! صدك لوكال المثل سوي زين وذب بالمنهول أقصد البلوعة أقصد المجاري أقصد والله خبلتيني خليتيني أحجي شيش بيش ودور جهار وهب بياض ودوشيش ودوبيش !! هاي لو بذاك النظام المقبور على كولتكم جان هم حجيتو لو لأن أنطيناكم حرية ؟ والله أموركم تحير اللي مايتحير ننطيكم حرية ميعجبكم ناخذ منكم الحرية مايعجبكم ننطيكم ديموقراطية مايعجبكم ننطيكم دكتاتورية مايعجبكم يعني شنسوي حتى ترضون ؟ ها ؟ أحجي عيني ست أسماء ؟ أحسن شي إنتو تاخذون اللي يعجبكم ، زين ، راح أنزل قرار كل واحد يجيب ماعون أو جدرية أو صينية أو جيس نايلون او كونية ويجينة للمنطقة (البنفسجية ) لو على كولتج (البنزركية) وهو ياخذ اللي يعجبة وبالإمكان أن تعبون جيوبكم ، وأخذوا حتى تكتفون ، بلكي نخلص منكم ، بشرفي هاي لو شعبنا يعني إنتو صينيين لو يابانيين جان قبلتو بكل شي وتشتغلون أربعة وعشرين ساعة ولاتكلون ولاتملون، بشرفي بشرفي ، زين بس أريد أعرف شنو الفرق بينكم وبينهم ؟ ها !! أحجي شبيج سكتي عيني ؟ وراح أقترح إقتراح وأكيد يوافقون عليه بالمنطقة الفاقعة الخضار ، أن نبدل هذا الشعب وانجيب صينيين لو يابانيين ونخلص من دوخة الراس والكراعين والكرشةولو إنتو ثقافتكم شحيحة جرداء متعرفون يعني شنو فاقعة ، عيوني ست أسماء فاقعة يعني طوخ ، ومو بس طوخ ، لا .. كلش طوخ .. يعني أطوخ شي .. يعني طوخ كلش كلش .. وكلش بضم الكاف مو فتحهة إذا فتح الكاف تصير كلش ابو كريم المصور الصحفي وهذا المسكين كريم كلش سوة عملية مال مصران أعور لأن المصران إنفجر إبطنة وزين أهلة تلاحكولة بالدقائق الأخيرة وهذا المسكين إنكتلو أخوتة إثنين على يد جماعات إرهابية وأمة ماتت وعمتةماتت وكل عشيرتة ماتو وهاي المصايب حلت عليه خلال جم شهر بس هوة مايعرف يتصرف لأن صاحب مبادىء واني كلتلة : لك يامبادىء إشتغل في مجالات ماوراء المبدأ ... أي المهم طلعت شوية خارج الموضوع الى لبه واللبيب تكفيه إشارة ضوئية حمراء حتى يتوقف عن الحجي المابيه فايدة لأن الروح عزيزة وياروح مابعدج روح ....
التوقيع .... مسؤول عراقي كلش جبير

الاسم: اسماء محمد مصطفى
التاريخ: 01/11/2008 16:56:40
الاخ الفاضل سيد صباح بهبهاني
تحية الغيث :
اشكرك للمرور مرتين ، وللسالفة ولاستشهادك بابداع شعبي من ابداعات الشاعر العراقي الملا عبود الكرخي .
وبالفعل ، وكما قلت حضرتك : ( ما تحرك النار الا جف لامسها) . وفي هذه المقولة فكرة مهمة تتصل حبياتنا وما يحدث فيها ، وتجيب هذه المقولة الشعبية على السؤال : لماذا نجد من لا يتفاعل مع همومنا سواء من المسؤولين او بعض المتعالين على هموم المواطن .

الاسم: غفار عفراوي
التاريخ: 01/11/2008 16:49:54
ميفيد بيهم
بالفصيح
بالعامية
يالعربي
بالكردي
بالانكليصي
ميفيد
دتنفخون بقربة مخرومة
انا اسف
ليس هنالك امل في العراق

الاسم: اسماء محمد مصطفى
التاريخ: 01/11/2008 16:43:34
الاخت الفاضلة فاطمة العراقية
تحية الورد الندي بقطرات صبح جميل في عراق ـ حلم:
اليوم اشتركت في حديث عن ماء دجلة ، وكيف انه مهدد بالتصحر ، لكن نحن جميعا نثق ونؤمن بأن ارادة الله تعالى فوق كل ارادة ، فإن اراد احد ما حرمان نهرينا من الماء ارسل الله تعالى اليهما رحمته ماءً مدرارا ، ونعم بالله .
( واخذي مني هاي الحجاية بالمناسبة ، الحمد لله الرزق على الله وليس على البشر ، والا لمتنا من الجوع ، عبالك يدفعون من جيوبهم إلنا) !!!

الاسم: علي حيدر
التاريخ: 01/11/2008 14:29:04
الاخت الكاتبة شكرا لك على كل شئ بس اكو فد شئ ماملاحظينة انتو الكتاب والصحفيين عدكم العراق هو بس بغداد واهل بغداد والباقي على كولتكم محافظات حتى المسؤلين من واحد يراجعهم صاروا يسالون ها انتم محافظات يعني بالعربي انتم مواطنين من الدرجة الاخيرة عيني عليكم وعلى كل واحد حسبالة العراق بس بغداد بحدودها لايابة ترى البصرة والموصل واربيل ودهوك والانبار وسفوان وشط العرب وخانقين كلها عراقية وهمين ناكعة بالطين طين الفساد الاداري وطين الكاع

الاسم: ليال فردان النويس
التاريخ: 01/11/2008 14:19:27
كلما اتعمق في العراقيين احمد الله كونه وهبني حبهمفرغم كل جراحاتهم كالطيور المغردة يتباهون بانفسهم ويفتخرون بجراحهم ليحولونها الى نكت كما يفال والى قصص رغم الاضوحوكة فيها ولكن يلهمون الدنيا الحكمة
ومن المؤسف ان الامريكان وقبلهمالبريطانيين ادركوا اهمية هذا الانسان المسمى العراقي , ليهرولو نحوه بالغالي والنفيس ليسيطروا عليه وانا واثقة ان النية ليست لاهلاكه ولكن للاستفادة منه
واما العرب وانا منهم يا عزيزيتي اسماء فلايعرفون قدركم
واشكرك على مادتك التى خلقت هذا الكم الهائل من الكتابات لافرح بها دوما
والى مزيد
ليال فردان النويس
layalyalhob@yahoo.com

الاسم: دهام حسن
التاريخ: 01/11/2008 12:27:27
الأخت العزيزة أسماء... تمنيت لو أعرف اللهجة العراقية حتى أشارك .. (وفوق كلشي آني كردي ههههههه ..!) ومن سوريا..
عذرا هذه النادرة دارجة في العراق، ولكن بصيغة أخرى..وهي لا تحمل معاني غير الظرف والتحابب
تمنياتي لك بالتوفيق في مبادراتك...

الاسم: كريمة الشمري
التاريخ: 01/11/2008 11:56:52
بسم الله الرحمن الرحيم
الاخت العزيزه اسماء الورده
ابكيتني واضحكتني بارك الله فيك على هذا النقد الاذع البناء واعتقد هو يهم الجميع .اختي العزيزه ان المسؤوليه حاليا اولا على الحكومه انه من تعين مدير الامانه او البلديه يكون مختص {مهندس} وليس كان مطيرجي او بائع خبز يابس سابقا او بياع لكنه ملابس قديمه هذه مسؤوليه وليس فض مجالس. اما المسؤل الثاني هو المواطن لاحب منطقته او بيته او بلده يرمي النفايات في اى مكان في المجاري او رمي دهون السيارات في المجارى لا يهم { هي خربانه خربانه} هذا غير صحيح لو اجتمعت كل محله ونظفت بعمل شعبي المنطقه وحرقت النفايات لما حصل الذي حصل اهمال وتخلف وعدم توعيه ونحن ايضا سبب في هذه المشكله { اي نحن تنابل تنابل} لو تعرفين هنا في الخارج يقف الاجنبي في الشباك ويراقب اذا احد فعل شيء خطا يتصل مباشرة هو في البوليس ليحمي بلده يخاف عليه حقه والله حقه واذا راى احد من المغتربين يضع الزباله في غير محلها ياتي ويركض ورائه ويجبره على ان يضعها في مكانها الصحيح { الحاويات} وهو عصبي جدا انك تخرب بلدي انتبه ترى العراقيين بالخارج لا يرمي ورق الكلينس الا في مكان الحاويه طيب لما لا نفعل في بلادنا هذا اليست عزيزه علينا ايه ياعراق ايه ياعراق كله فوق رأسك يا بغداد يا حبيبه متى نزفك بفستان عرس ابيض مطرز بالورود والاشجار الجميله بكيت وابكيانك يابغداد كثيرا والعراق صابر.اختي العزيزه هذا كله مقصود اتعرفين انه لما يجرى على مجارى بغداد اى صيانه منذوا اكثر من 25 سنه طلعت على التقاعد المجاري وانتهت لكن لو كان هناك مختص فعلا لطلب على الاقل بوقت سريع سيارات صاروخيه لفتح المجاري مؤقتا في كل يوم لتحافظ على جريان المجاري مؤقتا لحين التعاقد مع الشركات الاجنبيه هو ليس بالامر الصعب يتم بأيام وهذا مثل مشكلة الكهرباء بمحولات كبيره تستورد من الصين او تايوان باسبوع تحل مشكلة الكهرباء لكن لا يفعلوها اتعرفين لماذا لانها أحد اسلحة الحرب التي تشنها أمريكيا على الشعب العراقي ليبقى دائما حاير بأمره في التسعينات عين شاب مهندس طموح اسمه السيد قاسم {رحمة الله عليه ابو مصطفى} هذا الشاب قدم مشروع الاعادة تنظيم بغداد واعمارها وتصليح المجاري وانشاء الحقدائق المرحوم كان بطموحه مصدق انه في بلد ديمقراطي حزبي جاء من أجل المواطن العراقي المرحوم قدم مشروعه للرئيس من هنا ثاني اسبوع اغرق بزورقه في بحيرة الثرثار ....؟؟؟
وغيره في ذلك الوقت قدموا مشاريع لخدمه العراقي كان احد مدراء كهرباء التاجي قدم مسودة مشروع باعادة الكهرباء لبغداد باسبوع ايضا ازيح من منصبه والمرحوم سعدون حمادي كان عالم اقتصادي ايضا قدم مشروع بداية الحصار على العراق يفيد العراقيين بالحصار واعد لهم مشروع انه طيل السنين لم يشعروا بحصار ابدا مباشرة شكره الرئيس على المشروع وازاحه من منصبه لا المشروع ولا الرجل بقى بمكانه اتعرفين الان السلاح الذي يحارب به العراقين سابقا والان هو نفس السلاح ولولاء ذلك السلاح الاولي لم ينجح الامريكان بدخول العراق هل مفهوم القصد ام لا السؤال كيف نقاوم كيف نحرر انفسنا من هذ كله ام نترك البيت لمطيره وتطير به فرد طيره.
مر تحياتي كريمة الشمرى

الاسم: ضياء كامل
التاريخ: 01/11/2008 11:54:02
تحية طيبة للاخت الطيبة الكاتبة اسماء محمد مصطفى
هاي بسيطة اكو بوري مجاري بمدينتي مرة طلعت منه جاكيت لرجل بعدها طلع بنطلون ووراها طلع قميص اخر شي باكيت جيكاير وراها بشوية طلع من البوري رجال يصيح عمي منو لكه ملابسي ههههههههههههه

الاسم: جاسم خلف الياس
التاريخ: 01/11/2008 11:46:09
الاخت العزيزة اسماء
تعد السخرية تقانة من تقانات الفاعلية الشعرية في مختلف النصوص الادبية لكشف المرارة التي تشكل المعطى الدلالي في ذلك النص.
وحقيقة كان وقع هذه السخرية اكثر عندما تلقينا النص باللهجة العامية وكأنك تعبرين عن المحتوى بشكل يتطابق معه في كل ما يحمل من عناصر وآليات نصية أخرى.
اشكرك اختي العزيزة
وادعوك الى زيارة الموصل لكي ترين كل يوم مطرة وطينة بدون مطر . الله ( شكد احنا محظوظين)
وثقي نحن دولة متقدمة ديمقراطيا جدا بحيث (كلمن يلغف بكيفو وعلى راحتو ووين تلكين مثل هاي الممارسة الديمقراطية) .
تحياتي ايتها المبدعة

الاسم: منذر عبد الحر
التاريخ: 01/11/2008 10:33:13
أختي العزيزة أسماء
تحية الوجع العراقي واللهفة الوطنية
وسكاكين المحنة التي تلفنا جميعا
دمت مبدعة حقيقية أصيلة , ودامت كلماتك معبرة عن هموم الناس , كما أنها تعبر عن إبداع حقيقي باذخ راق ٍ , مع كل اعتزازي ومحبتي

الاسم: مروة العميدي
التاريخ: 01/11/2008 10:09:46
سيدتي العزيزة سوف اكتب لكم في هذه الصفحة مجموعة من الامثال هي اهداء لكل السياسيين والبرلمانين واصحاب السياراة الاجرة واصحاب الكيات ولاعبي كرة القدم واصحاب عربات البيع المتجولة وهم ارجع واكول اهداء للبرلمانيين وللسياسين ولعضوات البرلمان الله يطول باعمارهن خدمة لنساء العراقيات لان ماشاء الله ديقدمن خدمات عمرنا متوقعناها حتى الشانزليزي اللي بفرنسا راح يفتحونة واحد مثلة نروحلة بوقت الفراغ خو مويفتحون مطعم حتى الهمبرغر بي على شكل رمانة والفنكر على شكل مسدس وطلقات انتوا شدتحجون السيد محمود المشهداني ذاك اليوم كال راح ننطي لشعب العراقي كل احتياجاتة من سيارات بيوت حتى قصور حتى اولادنة ياخذوهم لدوام اي شعبالكم انتو بس صبروا فد 5000 سنة واحنة انشاء الله نحقق كل المطالب شكو هالاستعجال وبالنسبة لقراءة الصف الاول مال دار دور داران هسة صارت مامي وبابي خطية خلدون اتزحلك بطين اي وداعتكم اخليكم ويه الامثال

التبربش ولا العمى


الحجارة اللي ما تعجبك تفشخك

اللي خلف ما مات

ودع البزون شحمة
نارهم تاكل حطبهم
صياغة الصايغ لبنته كتلو ربعه وهو يتحزم
سبع صنايع والبخت ضايع
اتريد اتكحلها عمتهة
ياخذك للشط ويرجعك عطشان
الشبعان يثرد للجوعان احروف

فوق هندي والتحت بابنجي
المنحوس منحوس حتى لو حطوابراسة فانوس مثل تفال السمة
ضحك خير والشر على بيت ازعير

الجريدي لو سكر .. يمشي على شوارب البزون
المعرسين اثنين والمجانين الفين
فلس اللي ما عنده فلس ما يسوة

جرح الگلب مثل الجام .. ما ينلچم
جزاء الاحسان بگان

جزت من محروگ الصفحة .. ولزگت بعيني


جدر الشراكة ما يفور
الچبير چلب .. الصغير چلب ابن چلب
جبت الاگرع يونسني .. كشف راسه وخرعني

..
بيدر الذهب هم يحتاج بيدر الدخن
جاني بنفسه ما نطيته .. دزلي شعره من لحيته چاي .. لو چوي حصان ؟


حامض شلغم ماضوگه .. لو ضربوني بطابوگه


چو بچيني بعاشور ما ينشرب
جيب البيز .. ودي البيز .. ثاري البيز خرگه جيب الليل .. وأخذ عتابه چيسك عند أبو الطماطه
چفيان شر لملا عليوي

چلت ايدي والصفا .. والگاع ما تقبل وتد
الجمل بياره غالي .. وبألف رخيص


حبلت مثل جيرانها
حاميها حراميها
جزنا من العنب ونريد سلتنا

حرامي وتنباگ عباته
حدثني شختي عن بختي
حچاية .. مالها نهاية
حجارة الچبيرة .. من الجار القريب

حظه نايم بين الورد والرياحين
حضٌر المعلف .. گبل الزٌمال
حصرتني الرٌگصه
حصة الأسد

حكم نبي الله سليمان
حكم القره قوش
الحگ للسيف .. والعاجز ليدوٌر شهود
حظي بكل شي اسود بس بالرگي أبيض

الحمص والبهارات منين أجيبها ؟
حمارة القاضي .. عزيزة
الحليم .. يطلع من العواقب سليم
الحكومة حكيمة

عايشين بالصٌلوات
العاقل . . اللٌي يفكٌر بعواقب الأمور
حية البيت ما تآذي
حمينا الماي .. وطار الديچ

عداوة البزون والجريدي
عتٌابْ . . گصوا خشمه وما تاب
عبٌي بالخُرج
عباس المستعجل

عربيه زانم . . مجيده چِيا ؟
عرب وين . . وطنبورة ويـن ؟
العذر اقبح من الصوچ
عـدو عاقل خير من صـديق جـاهل

عزيمة الحصيني . . واللكـلـك
عركة ابو الفجل
عروگ شفي
العرس عدنا هنا . . مو عدهم هناك

عگب الحليب وچاي . . مالح يشربون
العصفور يزمط. . يريد يگمل
عصفور كفل زرزور . . واثنينهم طيارة
عزيمة الهدهد

عليٌ هم بَللُم
عليٌ وعلى اعدائي . . يا رب
على هامان . . يا فرعون ؟
عالموت يحسـدون

عيسى انتچل على موسـىوضاعــت الجـاموسـة

العنده فرمان يگدر يتفل بلحية السلطان
عند الضيق . . لا صاحب ولا صـديق

المجالس مدارس تعلم الأمي والدارس
اذا ردت صاحبك دوم حاسبة كل يوم
عيسـى بدينـه ومـوســى بـدينه
العين ما تنظر . . والگلب وما يهوى

الف عين لأجل عين تكرمون
القرد بعين امه غزال
امشي شهر ولاتطفر نهر
ياغريب كن اديب

مارضه بجزة رضه بجزة وخروف
الفلوس تجيب عروس
بيت الطرب ما خرب
البخيل ناكر نعمته وخادم ورثته

تنطي بيدك وتاخذ برجلك
ياجاري انت بدارك واني بداري
يا كثرة اصحابي يوم زرعي خضر
هين فلسك ولا تهين نفسك


ايموت الزمار وايدة تلعب
من السكوتي موتي ومن الطقطوقي فوتي
كل ذخرينفع الا ذخر السوء


زمال عانه . . طلعوا له خوال وعمام
زمال الراكبه . . ما تحسبه ؟
كثر معارفك وقلل اصحابك

زوجت بنتي من عناها راحت وجابت لي وراها
ا
زبٌالْ . . وصار طٌبالْ


السبع لما يشيب . . تقشمره الواوية
سالفة الحية . . كلما تنحچي تطول
ساسون جر السرقايي حسقيل خلى الطلقايي

السلام يجر كلام . . والكلام يجر بطيخ
سعيدة توصٌل حميدة وحميدة توصٌل سعيدة لوجه الصبح

السر بالسرداب


سوى بيتي حبسي
سنين نمشي بالعكس . . مايصير فد مره عدل ؟
سمٌنتكم ما كلتكم . . لحم الدجاج اطعمتكم

شرب مايهم . . وصار منهم

الشبعان ما يدريْ بدردِ الجوعان
شرٌبتنا شربت زبيب . . واليندب الله ما يخيب



شلع سنه وگال أريد چماله

شيگول لك الصاحب . . گول له : يَيْسْ

صلاة الطوبچية . . لافرض ولانية
الصخاه تعير النعجه
صحت وتجلت . . ما بقى للضيف حجه
صحبة البزون والفار

صوم ما نصوم . . سحور ما نتسحٌر ؟
الصوچ مني لو منه ؟
الصوچ صوچي . . والحرامي ما عنده صوچ ؟
صلاة عادت نى صوم طاقت نى مسلمان والحمد لله

ضاگت الطرشة الحلاوة
ضاع يا ربعي حذائي حيف ما شچخته وراي
ضاع أبتر بين بتران
صيف وشتا . . على فد سطح ؟

طگٌِ وْماتْ
طبيخنا خوش طبيخ . . يا حيف مرگتنا جزر
الضربة تطيب . . والچلمة ما تطيب


طلعت الشمسية . . نتشمس لو نحطب ؟
طلع الباگلاية من حلگك
الضربة للذبانة . . مو على لحية القاضي
طلع الها تخاريص . . وردان

خسارة ؟ .. ماكو خسارة !. لو المره لو الحمارة



ِِِ
خلٌه الذيب گبال الطٌلي



خوش ماي . . يا فيصل أفندي


دَگَة حليمة الحجامة
دافنينه سوه
دَا أدوٌرْ يَمَنِِيتي
َدگَة الأستاد بألف

دوده ببطن صخره . . الله يرزقها
دنياك لوخ بلوخ
دُگ له مال حمد . . وحمود


راح الشٌََ

الاسم: عبد الجبار الحمدي
التاريخ: 01/11/2008 10:04:15
الى الكاتبة ... اسماء محمد مصطفى .... مع التحية
الكل في العراق يدرك ان الميزانية العراقية تخطت فوق المعقول ولكن الشأن العراقي في واد والاحاديث والتصاريح في واد اخر فكثيرا ما نسمع ان تم بناء وتم افتتاح وصرفت مبالغ طائلة على مشاريع ووقعت اتفاقيات في كل انحاء العراق ولكن حين تأتي للواقع اصبحنا كالمثل العراقي ( دخانك عماني وطبخك ما جاني ) واحنا مساكين ننتظر من
( من البزون شحمة ) ونظن ان ( كل مدعبل جوز ) ما درينا ان المسئولين يطبقون المثل الذي يقول ( براس اليتامى أتعلم الحجامة ) وترانا من هذا الكلام وذاك ( نعبي بالسلة عنب ) ولم ندري او حتى كنا ندري اذا كان عنب لو حصرم من خلال كلامهم المستقبلي ( نشتري سمج بالشط ) وحتى السمك اصبح غاليا بعد تخفيض رواتب الموظف وصار يعمل في الدروس الخصوصية وسائق تكسي وحداد وبائع خضروات وكل ما يمكن ان يزيد من دخله والحقيقة ان الامر قد فاق قدرات العراقي فتراه يمتلك ( سبع صنايع والبخت ضايع ) ولا يدري الى اين يلجأ فهو ( وين ما يحطة عوجة ) ورافقه الملل ويريد الخلاص فبات ينتظر وأخذ يتسائل ( الى متى يبقى البعير على التل ) وهل هناك مستقبل ... لا أدري في كل العالم المطر خير وعندنا أزمة عبور شوارع نحتاج فيها الى شخاتير ولا أدري هل الغرض تعليمنا السباحة بعد ان تعلمنا الرماية وركوب الدبابات التي كنا نتشدق بها ام ترانا نقول ( طلعت من حلك السبع وخشت أبطن الواوية ) وضاع العراق من قبل هذا وذاك ... واذا كان الامر مقتصر على المطر والمجاري والغرق في امطار على ارض عراقية واحدة خير من الغرق بعيدا عن الارض الواحدة بأسم الفدرالية والتقسيم فلا أظن عراقي واحد يحب ان يسمع او يرى المثل الذي يقول ( هذا إلك وهذا إلي ) وحتى اصبحنا نخاف التعليق او الحديث بسبب ما حدث للبعض ممن نادوا وصرحوا عن الفساد والسرقات والتقسيم والتسويف فبقينا نتبع المثل الذي يقول ( كل لشة تتعلق من كراعها) ولعل العديد منا شاهد فيلم المصري فجر الاسلام وتقسيم حنظلة للجواري بعد ان دوت صفعة على من قسم قبله فقال هذه لك في الصبوح وهذه للظهر وهذه للعصر وهذه لما بينهما وهذه للمساء وهذه لك في اخر الليل فضحك وقال له من علمك هذه القسمة قال له الصفعة التي دوت على رقبة حنظلة ... فنحن تلقينا الصفعة تلو الاخرى فترانا قبلنا ان نقسم لمجرد الخلاص مما ألت اليه الامور والاحوال اعمار دون رؤية مستقبلية او تخطيط بمنظار ولعل خير ما نقول لكل من بيده القرار في التعمير ان يتذكر المثل العراقي الذي يقول ( خاف الفلك يندار وانت تكع بيها يا حافر البير لا تغمج مساحيها ) ولا يكونوا متسابقين في نيل المشاريع التي يسحقون كل مبادىء وقيم الاخلاقية ولا يكونوا ( كلمن دك طبله هو كبله ) ولكن لمن تنادي سواء كتبنا او علقنا او صرخنا ( فلا حياة لمن تنادي ) لذا نأمل ان نرى وربما في يوم ما رجالا ينصفون المواطن العراقي ورفعه عن ما يعاني ولعلنا اصبحنا كلنا وهذا ما نقول الى كل المسئولين علهم يرأفون بالعراقيين ( فرفقا بالقوارير ) وان كان لا يتقبل هذا المثل البعض ولكن ... ( التبربش ولا العمى ) ...
عبد الجبار ال حمدي

الاسم: جعفر المهاجر
التاريخ: 01/11/2008 09:16:49
شكرا لك ياأسماء على هذا النص الكوميدي الممزوج بالمراره والمعاناة وأهنئ السيد أمين العاصمه وأقول له :
ريتك مهنه وجفك محنه.
جعفر المهاجر.

الاسم: اثير الخاقاني
التاريخ: 01/11/2008 09:04:21
السلام عليكم
الى السيدة اسماء المحترمة
من حق كل انسان ان يبديالراي والمقال في كل ظاهرة وحادثة ولكن هل ماينفع الامة على المستوى العربي والاسلامي او على الاضيق منه الشان العراقي سوالف شاخت و عفى عليها الزمان وماهي الا بادرة اخرى مثل هذه المسابقة حتى تلفظ العربية الفصحى انفاسها ، اقول كلامي لكم لانكم رصيد الثقافة العربية والعراقية وانتم اصحاب الاقلام فان كتبتم في هكذا مشاريع ضاعت القضية الام ضاعت الدعوة الى تجديد المناهج وتحضير الوعي الغائب وتلقيح الفكر وصد الهجمة التسطيحية لطروحات الكفاءات وامثالهم ، املي بكم كبير ان تحولوا هذه المسابقة الى اخرى في الميدان الفكري كان يكون عنوانها "اثر الاقتصاد على العولمة " او ازمة الوعي العربي " او الحاجه الى بيان الفكر الاسلامي ..ولكم الشكر والتقدير

الاسم: ]د. هاشم عبود الموسوي
التاريخ: 01/11/2008 09:02:49
كنت اتوقع ان يهطل المطر بعد رياح السموم ليغسل وجوه الناس القاحله وتجعلهم طيبين.وبعد انحباس المطر لا بد ان تنهمر الشمس.اذا كان عليك ان تنهمري .الاشياء يا اسماء ليس كما تبدو..ولكن كما ينظر اليها. كلماتك كانت دائما بقربنا تحفزنا
ان نكون معك كما انت مع جميع الناس في همومهم و احاسيسهم. الكلمات الجيدة قادرة على الرؤية حتى في الليل مثل عيون القطط . دمت مبدعة في تنويع الاساليب ..... .. هاشم عبود الموسوي

الاسم: وداد فاخر
التاريخ: 01/11/2008 08:46:01
لا تعليق لدي

الاسم: الكابتن كاظم الحمامي
التاريخ: 01/11/2008 08:31:48
الا تعلمين يا أسماء. إنّ بعض المدراء, عقولهم خواء, وكلامهم هراء, ووجودهم بلاء, وفيهم بيت الداء. وأنا منهم براء. . فمنهم من ظل يراوح على الخطوط الصفرية, واعتمد على مداركه الفطرية, وسعى لتطبيق خططه التأخيرية. فهو شحيح البركة. بارد السكون والحركة. . ومنهم من اسهم في تغييب اصحاب الكفاءات العلمية, ومحاربة المواهب الفكرية. ومنهم من غط في النوم, حتى صار رمزا لعقاقير الفاليوم. وأصبح صنو الكسل, وسبب الفشل. فهو عدو العمل, ومخيب للأمل. ومنهم من غرق في الرذيلة, وامتهن التلفيق وسوء الكيلة, فالغاية عنده تبرر الوسيلة. ومنهم من ضاع في إتاوة المعاملات, وتعطيل آلاف السجلات. حتى صارت الإتاوة تملأ الأكياس, والتعطيل يشيّب الراس. ومنهم من استبد بالسلطان, وتسيد الديوان. واستباح جميع الأعمال, وفرط بحقوق العمال. ومنهم من انغمس بالتسلية والدعابة, وأدمن المزاح والتلعابة. ومنهم من سدر في غلوائه, وسدل ثوب خيلائه, وجمح في جهالاته, وجنح في خزعبلاته. فهو أخرق متخلف. وأهوج متعجرف. ومنهم من اطلق لحيته, وكوى جبهته. وتظاهر بالورع والتقوى, واضمر الطمع والبلوى. واستعان بالنفس وسلطانها, والشهوة وشيطانها. ومنهم من اتخذ من الولاءات القبلية ظهيرا, ومن المراوغات الحنقبازية بعيرا. فخرج عن حد الإعتدال. وذهب ذات اليمين وذات الشمال. .

الاسم: علي كركوكي
التاريخ: 01/11/2008 08:28:20
الاخت العزيزة اسماء
بالعامية الحلوة راح اجاوبج
اولا:توعديني لو فزت بالجائزة راح توصليهة لفقراء المنطقة الخضراء!!!!!!
ثانيا:انتي ليش خافية على اهلنة بالعراق واذا عايشين عيشة مو زينة،اني اهم شئ عندي عيشة وراحة مسؤولينا الاعزاء ،وبعدين المطر ويا التراب والعجاج يعني طينة (سودة متنيلة بالف نيلة) وكلنة مخلوقين منهة فليش هالحسد؟ّّّّّّّّ!!!!!!!!!!(المعنى في قلب المظلوم)
ملاحظة:مشكروا من ضمن التعليقات قريت عتاب على اخوة النور،ابشركم هيجي فكرة طرحتهة على اعزائي القائمين على مركز النور قبل فترة وتحت عنوان مع الوزير او المسؤول وحتى خيرتهم بتسمية الباب او الركن وجان هدفي يشهد الله مو التشهير وانما ايصال قهر اهلنة للناس ...بس اشوف الفكرة ما شافت النور من مركز النور او الشباب خصصوا باب او اكثر لفكرتي و احتمال عيوني ضعفن صرت ما اشوف بيهن تحياتي لاستاذي احمدالصائغ..
اخوج بالقهر/علي كركوكي

الاسم: خضير حسين السعداوي
التاريخ: 01/11/2008 06:39:35
الاخت اسماء تحياتي

اقول (( ظل البيت لميطرة اوطارت بيه فرد طيره ))

الاسم: مصطفى سالم
التاريخ: 01/11/2008 06:17:07
السيدة اسماء

موكتلج نزيزة الكاع....
جري اللفط للجبح

واحنا بحلاة العشك
نتريك حندكوك
جاليش صار العشك بالطين
يفلانه

الاسم: [جبار عودة الخطاط
التاريخ: 01/11/2008 05:58:23
الاخت العزيزة اسماء
أتدرين ماذا قالت حجية مسحونة وهي تتوسل وشالة جك النفط الفارغ ليسقي جولتها المتهالكه
بعدما ايقنت بأن جكها النفطي صار يغني في داخله المرحوم حضيري ابو عزيز لالالالالالالا0000فقالت :
احنه اهل النفط والغاز والخيرات
تبجي اعله النفط عطشانه جولتنه
ومنطاح الصنم كلنه القهر هيهات
راح وما درينه بتـــالي حالتنه
أخيتي الفاضله00انه عصر اللفاطه والنفاطه وعتاوي الشفافية وسدنة السحت المقدس
اما نحن فحسبنا القلم والالم !!!

الاسم: حذام يوسف طاهر
التاريخ: 01/11/2008 02:15:23
اهلا بالجميلة اسماء وبلعبتها المشاكسة ..
عجبتيني والله .. لكن الغريبة راح نبقى هيك؟ فقط بنات النور يبتكرون لعبات؟؟ طيب وابناء النور وينهم؟؟؟؟

عزيزتي جميعنا مرينا بمأساة المطر وانا مريت بيهة مرتين مرة كنت في فندق بابل مع الزملاء لتغطية نشاط هيئة حل نزاع الملكية القانوني والثقافي وبعد انتهاء الجلستين القانونية والثقافية خرجنا لنصدم بمنظر كراج السيارات الخاصة بفندق بابل والضيوف واذا بالساحة عبارة عن شط وكنت في حيرة كيف اصل الى السيارة !! وبعد الحاح الزملاء مشيت مظطرة وسط بحيرة الماء الترابية وانامذهولة من مطرة خفيفة باول الشتاء تعمل هيك بحيرات في مكان رالقي والمفروض يكون ماخذ احتياطه .. على كل حال وصلت للسيارة وانا المي وياي للرجاب ..
وفي اليوم الثاني ذهبت للجريدة بشكل طبيعي وقلت الحمد لله الشارع مغركان ..لكن بعد خروجي من المقر تفاجات بالشارع وهو مغطى للرصيف بالماء شلون؟وشوكت؟محد يدري .. فاظطريت ابقى في مكاني بإنتظار سيارة أجرة تنقلني للشارع العام ثم للبيت ...

وانا أقرأ موضوعك (اللي هو فعلا مطول لكنه جميل فاكملته للنهاية يعني مطفرت ولا كلمة) تذكرت اغنية كنا نغنيها هواية من كنا صغار :
مطر مطر حيل حيل عبّر بنات الكحيل
مطر مطر شاشا عبر بنات الباشا
مطر مطر حلبي عبر بنات الجلبي
طيب احنة منو راح يعبرنا بالمطرة الجاية ؟

الاسم: بشرى الخزرجي
التاريخ: 01/11/2008 02:11:11
عفوا ست أسماء ردت قبل كل شي أسالج هاي الأسئلة مابيها ترك؟ أو استعانه بصديق..الحقيقة بلندن المدينة اللي اعيش بيها واللي يتكلم اهلها (انكليصي)و المطر بيها صيف وشتاماموجودة مشكلة المجاري المسدودة وتبعاتها...بس مع هذا هناك مناطق تطفح بيها المجاري وتسبب فيضانات بشوارعهاوببيوتها القديمة..لكن الفرق بين فيضانات لندن وفيضانات بغداد ومدن العراق الأخرى هوالأخت طينه المسكينة محد يعرفهاأصلا هنا حتى يحتفل بيها..وقبل ما أختم جوابي اللي راح اصقط بيه اكيد.. أذكر منظر غريب بزيارتي في الصيف اللي راح للعراق بما يخص جبال النفايات والروائح الكريهة التي تنبعث منها، والمنظر هو عبارة عن حاوية كبيرة فارغة اتحيطها اكوام وتلال من الأزبال...أسأل شنو رأيك بهذا المنظر عزيزتي؟ ومن يا ترى المسبب له؟ هل هو المواطن ام الامانه؟ وأمانه عليج تخبريني عن كميات الزبل الطافحة في الأنهروالجداول والروافدوحتى شط العرب العظيم لم نرى فيه جهة سالمة ونظيفة من النفاياتّ!..اذا المسألة يرادلها والله اعلم أولا حملة توعية بالنظافة وثقافتها واهميتها من أجل بيئة نظيفة وسليمة من التلوت والامراض والازبال وضرورة رميها في الاماكن المخصصة لها وليس رميها بانهار و المجاري التي تعاني القدم ونفاذ الصلاحية منذ زمن ..ويسبق أولا السابقة طبعا، أولا غيرها وهي نشر ثقافة اواعادة نشر ثقافة العمل بأخلاص وضمير حي بين المسؤولين المتصدين لهذه المهام الجسيمةالتي تقع برأيي المتواضع على الجميع من مواطنين مطينين الى مسؤولين ما مطينين..وأخيراً وليس اخراً، لأن موضوع الخدمات المفقودة بالعراق يبدو ما له نهايه، أشكرك أختي أسماء على هذا الموضوع، لو عفواً أقصد المسابقة اللطيفة الظريفةالتي اعتقد إني اسهبت اسهابا كثيرابيها ، بس رجائي أذا فزت بالمسابقة أريد اذا أمكن أرسال القليل من طين الوطن الذي تطينتي بيه اللي كي اتشرف به وأحظنه وأشمه مطلع كل يوم من ايام غربتنا الطويلة اللعينة،كيف لا وهو طين من أرض عراقنا الطاهر المقدس.
شكرا لك

الاسم: رشا الطيار
التاريخ: 01/11/2008 00:56:00
تحية لك اسماء
عاشت ايدج على هذا الموضوع رايت فيه معاناة حقيقة شعرت بما مررتي به يومها لقد تكلمت بما يجول في صدورنا من تقاعس امانة بغداد عن اداء عملها خاصة في مثل هذه الاوقات العصيبة لاننا غرقنا حد الركب بالطين
وما اعجبني بالموضوع كتابتك باللهجة العامية عفية عليج بلكي يقرون الكبارية بالكلام البسيط ويحسوون بس ما اعتقد راح يحركون ساكن
شكرا لك ودام تالقك
رشا الطيار

الاسم: سيد صباح بهبهاني
التاريخ: 31/10/2008 23:54:33
عيني أسماء أيام زمان من جان أبو ناجي مخاوينه هم جانت مطر وكراكيع وبشهادة المرحوم مله عبود الكرخي لمن زار الزبير وشاف الطين والبله والبلدية هماليه والقصيدة الدليل وتساوي اليوم مثل المثل السبثايه تكوله للجدر ليش مصخم ؟ وعاد لا هسه...!
يقول المرحوم مله عبود :
( للزبير ) تسوّي نيّه ......... وشوف حال البلدّيه
تسوي نيه بالعجاله .......... لكي تنظر إلى الحاله
تشوف أكوام الزباله ......... فوك روس الأفنديه
فاذا كل خطوه سنه ........ تمشي .. لكليبك اتفته
جلاب وبزازين ميته ...... وارول وجرذي وحيه ...!
وإذا تدخل للزبير ...... جيفته تطرح الطير ؟
بهالبلد وتريد خير؟ ......... لا وحق رب البرية
قابلوني ناس يبكوا ........ من القذاره الكل يشكوا
أنا استرحم وارجو ....... من حكومتنه العليه
يشتكي السيد وحجي ..... منها، والأبيض وزنجي
إذا صار الريح شرجي ...... يقتل أهل الناصريه
لأن مشؤومه كسيفه ..... ودائمي اتهب منه جيفه
تروح فدوه للكنيفه ....... الينزحوها الجشمجيه
يا (....) المكرم ..... أبن (....) المفخم
أنت أشهد أحشم أشيم .... أسد من أسره زكيه
أنت أهلٌ للكياسه ...... وتستحق أعلا رياسه
فهل ترضه بالتعاسه ..... الناحيه تبقه رديه ؟
هاي وصفت عبود الكرخي على الناحيه بذاك الوكت..! ونجاوبه للمله عبود نام ابقه أحلم الناحيه ظلت ماهي والعاصمه صارت بليه ... هي بغداد الجميلة قذره مملوءه تعاسه ..، وبيه يعني بلديه ؟
شدعي يا عبود على فعل الدهر .... للنذل شده وآزره ؟
وين اليبشر مصطفي ؟ ... ويكول اتعادوا الأخوان بفضل أهل ال............!
وشكري للأخت أسماء لهذه الفكرة الجميلة وللأسف أن اليوم وفي ظل الظروف أصبح العكس بالعكس ونعم ما قيل :
للسبع ذبوله تبن .... واللحم ذبوه للطلي...!
جسمي خوه وظهري انحنه .... وصار العنه لأهل العنه ...!
بس بالحصاد أسمي أنه ..... ومكسور وسفه منجلي
( ....) ياخويه التفت ؟ .... يمي تره تهت وسبت
أطرش الزفه أصبحت .... بين الب.... (....).
وهاي تاليه ما تجي المصايب الا من عند الحبايب ...!
ما تحرك النار الا جف لامسها.
مابيها نفاخ نار ..

المحب
سيد صباح بهبهاني

الاسم: حمودي الكناني
التاريخ: 31/10/2008 23:53:46
اسماء الرائعة بكل التفاصيل ارجو ان يكون موضوعك من بين مواضيع المسابقة لانه وبالعامية العراقية:
فايز ونص غصبا على خشوم اللفاطه.... بس ارد اكلج يبعد اعوينتي جا مطره وطينة بس ركصوا ابغداد ؟ تعاي اهنا وشوفي عملات اللفط بينا بعد ما ملطخت طينة كل صوانينا لاظل هدم لاظل اسم لا ظل درب كلها راجسة بطينة ومطرة ...؟ مطرة يعيني هي الزادت بلل بالطينة .
دمت ودمت لهذا الإبداع والخيال الراقي ولتعش عاليا راية المطرة والطينة .

الاسم: صباح محسن جاسم
التاريخ: 31/10/2008 22:59:09

الأخت أسماء محمد مصطفى
تحية وود
محاولة مشاكسة ملؤها المرارة والتألم على واقع حزين بسبب من محتل ( مشرعن) وأناس يفتقدون الخبرة في إدارة شؤون البلاد لأسباب ما عادت بخافية على أحد بحيث بات تأمين الخدمات والبنى التحتية أمرا تعجيزيا خارج كل الخطوط.

أتمنى على البرلمانيين أن يطالعوا وقت فراغهم ما بين اجتماع واجتماع مؤلفات الدكتور الغائب الحاضر علي الوردي وبخاصة - وعاظ السلاطين - و - مهزلة العقل البشري - كي يعيدوا النظر في ما يتخالفون عليه ويختلفون بشأنه.
أختنا سناء ، أحس بما تعانيه تماما.. كل ما يجري غايته تركيع الشعب العراقي وربطه باتفاقيات سيوقع عليها شاء أم أبى .. وهو الزاوية التي دفع بها النظام العسكري العالمي للعراق بذريعة الأمر الواقع في دوران فلك الرأسمال العالمي التي ستتحكم بطبقتنا الوسطى وما دونها بالتقلبات الرأسمالية.
كل ما أخشاه من أصدقائنا الجدد أن لا نبقى نردد ما قاله ذلك المغلوب على أمره : أقشّر موز وأزحلق !

الاسم: جواد كاظم اسماعيل
التاريخ: 31/10/2008 22:57:23
سيدتي الفاضلة اسماء

لأ أسهب كثيرا لكن أكتف بهذه الأسطر لأقول : مطر مطر مطر على عينيك بالخير ينهمر

وشكرا لك لأنك ذكرتينا بأغنية قؤاد سالم(( حجيك مطر صيف.... مابلل اليمشون)) لكن كلماتك بللت مأقينا ونحن نتبحر بين ممرات سطورك.

ارق المنى

الاسم: سيد صباح بهبهاني
التاريخ: 31/10/2008 22:21:32
الله يحي أسماء الأصيلة والله غالية وطلب رخيص أني أموت باللهجة الشعبية وسوالف قبل عيني أسماء أخذي هل المثل والنقد الشعبي:
ماكو بالحيايه حيه صالحه
أصوله : ما في الحيات حية صالحة.
أخذي السالفه : يحكي أن حية هربت من الحاوي إذ رآها رجل وهي مرعوبة فقال لها ما شانك أيتها الحية ؟ قالت : أشلعت من الحاوي وداخله يبك وطالبه خيرك اتنجيني منه وعد اردلك جميلك ، ضمه وستر عليه من بطش الحاوي ،والأخ طمع برد الجميل ...! شاله وخالها بجيبه ، فات الحاوي وأخونه فرح وقال للحي يله راح الحاوي وانتي عند وعدك وأني أريد وعدج بالجميل ؟ ومجيتك من الحاوي الي جان وارج وتاويج ، كالته الحية مو تدلل يا مدلول : كالي وين أتحب العضه ؟ وكالتله أحنه مندك دكه دونيه ولا نتعده هاك وخذمني الجميل الي وعدتك، لخمته بعضه من عضه قتلته بمكانه.
وهذا جميل خسيس الأصل ما يصدر منه إلا السوء.
موتدلل أسماء المحبوبة عود سلمينه على الربع.
المحب
سيد صباح بهبهاني
behbahani@t-online.de

الاسم: فاطمة العراقية
التاريخ: 31/10/2008 20:42:43
هلة اسماء .راح اكولج مثل متكولين بالعامية اكول (يم احسين جنتي بوحدة صرتي بمليون موةاثنين )هاي وحدةاحنا جنا بل لاتحادواجة عبدلامير ويمكن شاف الممر الي يودي الى نادي الشعر عشتو صار بحيرة والكل يخوضون خوض
كلت الله المطر كالو يمعودة غركناكلت ميخالف احنا محتاجين بلكي تغسل الروس والعقول المليانة ؟؟؟؟؟؟؟؟
ها عيني اسماء ولمن رجعت للبيت الكرادة فايضةوالنفق يراد بيه (ابو مشحوف تانيني بذاك الصوب وديني )
بس بصراحة اني فرحانة بالمطر على عناد سوريا وتركيا لان المي كطعوا علينا الله يكطعوهم همة والي؟؟؟؟؟؟؟؟
يلفطون على كولتج.ياروحي ها شنو رايج.ههههههههههههه
د




5000