..... 
....
......
مواضيع تستحق وقفة 
.
......
امجد الدهامات
.......
د.عبد الجبار العبيدي
......
كريم مرزة الاسدي
.

 
.
.
 svenska
.
مؤسسة آمنة لرعاية الايتام

.

.

 

..............
 
.
 ................... 


 

....................
جمعية الصداقة العراقية السويدية 
...................


اطلاق
اسم الشاعر الكبير
 (يحيى السماوي)
على مهرجان النور
الثامن
 

يحيى السماوي  

ملف مهرجان
النور السابع

 .....................

فيلم عن
د عبد الرضا علي

  




................


خدمات ترجمة 
 في مؤسسة النور

.

 ملف

مهرجان
النور السادس

.

 ملف

مهرجان
النور الخامس

.

تغطية قناة آشور
الفضائية

.

تغطية قناة الفيحاء
في
الناصرية
وسوق الشيوخ
والاهوار

.

تغطية قناة الديار
الفضائية
 

تغطية
الفضائية السومرية

تغطية
قناة الفيحاء في بابل 

ملف مهرجان
النور الرابع للابداع

.

صور من
مهرجان النور الرابع 
 

.

تغطية قناة
الرشيد الفضائية
لمهرجان النور
الرابع للابداع

.

تغطية قناة
آشور الفضائية
لمهرجان النور
الرابع للابداع

 

تغطية قناة
الفيحاء
لمهرجان النور
في بابل

 

ملف مهرجان
النور

الثالث للابداع
2008

ملف
مهرجان النور
الثاني للابداع
 

            


الحرائق لشوكت يا وطن تحرك بيك

د. صدام فهد الاسدي

                                                                      من ديوان عطسة بوجه  المسافر  

ذب روحه الشعر يسبح على اللجمات

دور عن قصيدة اليوم ما تنباع

خض دموع صبره و فزز الجلمات

ما يحفر سراب على الكناطر ضاع

فز جرح الزمن ينشد على العدلين

بلجن بقت غيرة بضحكة النعناع

من يذبل وركها الشجرة تدي اجروح

شنهو الماي ينفع و السبب بالكاع

اخ على السفن صدكت مسرى الماي

تدري الريح سودة و ما تعوف شراع

لا ترسم الصدمة تحط دهن و النار

تنطر سيل دهنك من ونينك ماع

لو تتعب الخيل تريد نبش اقبور

دور عن صهيل الخيل كله اطباع

اترك روج بحرك صفنة التيار

بيها اسرار سكتة و بيها حسرة انواع

كول شلون واحد يزرع البستان

ياكل جرح تعبه و زرعه راح انباع

شوف البير نفطك ما تشيله اتلول

و انشد ليش طفلك بالشوارع جاع

مو غيرة حضارة تسلم الصبيان

مو صفنة ضمير ايناطر الاوجاع

شوف اشلون دنية اتفرفح على النار

تذبح طفل يحلم ما يشوف اضباع

ضبيت الحبل يا وطن عالمبيوع

و ارخيت الحبل يا وطن بس للباع

وين العظم وين ( الجيجو ) غابت ليش

عظمك ترة ليله ( عظيم ) صبرك ضاع

هذا ايشيل اخيه يصيح عالي الصوت

ذاك يزيد حزنه و صاع فوك الصاع

صافن عالخبر يا خبر تفرح بيه

غير الطلع سره و ذاك سره الشاع

تتناهب صحوتك من سبايا الروح

لا جلمة حقيقة و لا بقايا اوداع

ليش اتطيح وحدك بالمنايا اليوم

و الخوان تلتف على المال اسراع

انته تمد رجالك للمنايا اصدور

و اهيه بقحط حزنك ما تمد اذراع

مو باليوم اخوتك عالية النخوات

من اسنين صدرك للشرف فزاع

مو طماع انته على النسب و تسير

يا وسفه الوكت بمواهبك طماع

2

هذا الوطن غالي و ما يغيره الصار

هذا الوطن بيدر و الزمن خطار

كلي يا خبر فد يوم نفرح بيه

بس ادموم تنزف نشرة الاخبار

صح اسمك عزيز و بالنخل محفور

مو بضلوع شعبك عرس الجمار

تطحن بيك منشار الدهر و تكوم

ياما احملت غصبن رجعت المنشار

انته ابدين واحد و الاخوة البيك

ما باعت حنين و لا تعوف اسفار

زاد البيت واحد تحط فد ماعون

حصة الجار روحك و البيوت اسرار

وينام الربيع اباب جارك عيد

حتى الكيظ يخجل يجرح الازهار

شنهو الصار ليش اتغيرت هالناس

من دخان همها الشوك عاف النار

مو تمثال طاح المشكلة و جلاد

انظر زين حوبة بشر مل و جار

انظر ايده صفرة مزنجرة بامراض

ثلث اعقود تحلم تبني هاي الدار

مو بستان واحد عايف الناطور

حتى انكول كبوة و نكتم اللي صار

جاب الضيم كله و وزعه على الناس

حتى الحط سنينه على الطريق اصرار

سبة البشر و سنة تصدك الجذاب

و المسرح بعد ما انفتح منه استار

نده الصبر منه و مل الف بسعاد

و عاف الشعر منه ميت الف عشتار

يا هو اليوم نام الليل يحصد نوم

يا هو يكول باجر يسكت الاعصار

حرية خناجر نعم و سجاجين

حرية احبال و مية الف جزار

طاغي جان وحدة يفر حياة الناس

جرة قلم ظلمة و يا جروحه اكثار

مين تريد تنسه اسنين سودة اهواي

بس قصة دجيل و هذا بس الصار

لف البلد كله و شوف بيت ابيت

و انشد كل عشيرة شكثر سوة اعثار

لا تجرح اسنين الناس تبني اقصور

موساس الرمل تعرف اسنينه اكصار

يا سكتة ضمير سنين ظل مسجون

يحلم يفك قيده و فززه المختار

نغسل روح اهلنه بدمع هاي العين

شنهو الدمع نفعه الما يصير ابار

مو حمر المواضي تريد قتل الناس

و لا سر العوادي تحارب الانبار

و لا عهد الفرات يخون صاحب يوم

ليهسة الفرات يريد ياخذ ثار

انته القلم سرك يا وطن مذبوح

تبزل الف غيرة و ثمن جرحك عار

ليش انسيت نخوة امس من نواب

و ليش ابير عريانك تذب احجار

و ليش بريل بيتك يسكت المحتاج

و ليش اصهيل خيلك صار كله اغبار

مو عادة حضارة تزامط باشور

و لا عادة مسلة تزور الافكار

تفرش هذا بيتك يا حسافة الغام

و انته من الكرم غطيت سابع جار

يا سر الكرامة منين اراهن بيك

كلك رهن و انته معاند التيار

دم احسين يمك ملحمة شتريد

مو دم الرضيع اليوم صار انهار

عدهة على الاصابع صحوة الابداع

و اترك جرح سعدي و شاعر الامطار

الحرائق لشوكت يا وطن تحرك بيك

لازم فد نهاية توكف الاعصار

العراق اكبر وطنه مبخوت باسم حسين

و محروسة تربته بشارة الكرار

تبقه يا وطنه الشرف ما تنعاف

و تبقه جروح يومك ثورة للاحرار

  

 

 

 

د. صدام فهد الاسدي


التعليقات




5000