.
......
 
.............
..........
هالة النور للإبداع
.
أ. د. عبد الإله الصائغ
..... 
.
مواضيع تستحق وقفة
  .

في حضرة المعلم مع
الدكتور السيد علاء الجوادي

 د.علاء الجوادي

حوار علي السيد وساف

.
 رفيف الفارس

رسالة الينا نحن غير المشاركين في واقع ثورة شعبنا البطل

الكاتبة رفيف الفارس

.

.

.
....
.......
 
...…
ـــــــــــــــ
.
.
 svenska
.
مؤسسة آمنة لرعاية الايتام

.

.

..............
 
.
 ................... 


 

....................
جمعية الصداقة العراقية السويدية 
...................

  

ملف مهرجان
النور السابع

 .....................

فيلم عن
د عبد الرضا علي

  




................


خدمات ترجمة 
 في مؤسسة النور

.

 ملف

مهرجان
النور السادس

.

 ملف

مهرجان
النور الخامس

.

تغطية قناة آشور
الفضائية

.

تغطية قناة الفيحاء
في
الناصرية
وسوق الشيوخ
والاهوار

.

تغطية قناة الديار
الفضائية
 

تغطية
الفضائية السومرية

تغطية
قناة الفيحاء في بابل 

ملف مهرجان
النور الرابع للابداع

.

صور من
مهرجان النور الرابع 
 

.

تغطية قناة
الرشيد الفضائية
لمهرجان النور
الرابع للابداع

.

تغطية قناة
آشور الفضائية
لمهرجان النور
الرابع للابداع

 

تغطية قناة
الفيحاء
لمهرجان النور
في بابل

 

ملف مهرجان
النور

الثالث للابداع
2008

ملف
مهرجان النور
الثاني للابداع
 

            


اسماعيل الكاطع عيدك مبارك كاظم

أ. د. عبد الإله الصائغ

 اسماعيل الكاطع عيدك مبارك كاظم 

 

 

 

هوذا العيد وانت غاف رمشاك لايرمشان  اصابعك عازفة عن الكتابة ! كم غنيت للجمال والدلال كم غنيت للعراق كم غنيت للتلاقي كم ابتكرت دون تنطع وكم عملت بتواضع القديسين على تحديث الذائقة الشعبية وحساسية التلقي ! كم قرأ لك شاعر شاب قصيدة شعبية مملة فلم تكسر كبرياءه كم اعتذرت لمن يمتدحك ان لايحرجك وان لايثير سخط مناكفيك !

كاظم كان يكتب الشعر عن موهبة كونية كبيرة ورؤية شعبية اممية ! يبتدع الصور الفنية ابتداعا يميزه عن الكثير من شعراء جيله ! يمتلك شعره سلطانا على الافئدة ! وانت تسمعه يقرأ شعره تتساءل كيف لمثل هذه المواهب الكبيرة ان تتنفس وسط غرف بملايين الجدران ؟ 

 ياكاظم نحن اليوم محتاجون الى كلماتك محتاجون الى مخيالك محتاجون الى قراءتك للواقع الغرائبي العراقي ! كاظم لماذا بكرت في الرحيل ؟ ماذا لو تريثت ياكاظم اسماعيل الكاطع ؟ جيل من المبدعين الكبار لن يتكرر ! طارق ياسين كوكب حمزة عزيز السماوي علي بيعي كمال السيد شاكر السماوي كاظم الركابي ابو سرحان شمران الياسري يوسف الصائغ سعدي يوسف عبد الستار ناصر فاضل عواد  طالب القرغولي حسين نعمة عبد الرحمن الربيعي اسماعيل محمد اسماعيل وموسى كريدي وحميد المطبعي وباسم عبد الحميد حمودي وحاتم الصكر  ومحمد حسين الاعرجي  ومكي زبيبة وبشرى البستاني ومعد الجبوري ونجمان ياسين وذنون الاطرقجي ويوسف نمر ذياب وسيتاهاكوبيان  ورافع الناصري ويوسف الحيدري ومحسن اطيمش وعلي جعفر العلاق ؟ هل انا مجنون حتى استوفي اسماء المبدعين ؟ من يتذكر مبدعينا ؟   الاموات منسيون لا احد اتصل بعوائلهم  واغدق عليهم او طبع اعمالهم المخطوطة أواعاد طباعة المطبوع !!  الاحياء مغتربون  مهملون  تلاحقهم  الاشباح  وتتحكم  بمصائرهم  الفضائيات الموسرة  !   كم سفارة عراقية  احصت المثقفين العراقيين واستدعتهم لحفلة شاي مثلا  واصغت اليهم ؟   كم ملحقية ثقافية عراقية  ارتفعت  وارتقت عن الصغائر  ولاحقت المثقفين العراقيين وكرمتهم بما هم اهل للتكريم ؟ كم رئيس وزراء او وزير مهما كان وزره وصل الى المانيا مثلا والتقى المبدعين والمبدعات في هناك  واستفسر عن حاجاتهم ؟  كم رئيس وزراء زار امريكا وسعى برجليه الى المبدعين العراقيين واشعرهم بصدقية اصغائه لهم بعيدا عن الكاميرا  المنافقة ؟ كم كنت ساحترم السيد سعدون الدليمي لو انه اكتفى بوزارة واحدة وترك الأخرى : اما الدفاع واما الثقافة ؟  وبصراحة ربنا كما انهزمت الدفاع في زمنه انهزمت الثقافة في زمنه ؟  كم كنت اتمنى ان يصدق وكلاء وزارة الثقافة في لهفتهم على الثقافة والمثقفين  وكذلك المدراء العامون ان يركزوا على طبع اعمال المبدعين  ويسهروا الى الصباح كي يخدموا الثقافة والمثقفين !! وماذا تخسر وزارة الثقافة لو اتفقت مع دور نشر اجنبية ورفعت شعار طبع خكسة آلاف كتاب مثلا مثلا ! اين المسؤولون من المبدعين العراقيين ؟  جل جيل الستينات واجيال الوسط بين الخمسينات والستينات  او الستينات والسبعينات كانوا مبدعين كبارا ! اوف يا اسماعيل كاظم الكاطع كم اثرت فيَّ من شجون ؟ هذا العيد ؟ لو كنت حيا لعجبت من شعب نصفه مشرد عن مدنه وبيوته يلفه الرعب من راس الى قدم والنصف الثاني يتبادل القبل والتهاني ولو ان اي شعب في الدنيا حصل له ما حصل للعراقيين لنكسوا الاعلام واعلنوا الحداد وشغلت الفضائيات بنقل المحاكمات السريعة للخونة والفاشلين واللصوص والقتلة ؟ ولكن اف لمن قال النار لاتحرق الا رجل من يدوس عليها  ؟ يا كاظم انهض من قبرك وانظر الى حال المثقف العراقي ثم عد الى قبرك ! هكذا تذكرتك في العيد وحزنت لرحيلك المبكر : 

محتارات من شعر كاظم اسماعيل الكاطع 

كاظم إسماعيل الكَاطع

أريد أبجي إعله صدرك مشتهي النوح

و أريـد أكَعد إكَبـالك وأحسب إجروح

ومثل الطير من يودٌع الروح

جاي أركَص إبابك ركَص مذبوح !!

إهي كسرة عظم ماتجبــَر بيوم !!

ولا دورة سنه وآثارها تروح

كِسروا واهسي وخلوٌنــي مالوم

 وخايف عله عيوني بالبجي إتروح

 كنت آمر وأنهي وصاحب الراي

 يوم أييـــدي طويله وجيلتي إتلوح

أريــد أبجي إعله صدرك مشتهي النوح

 وأريد أكَعد إكَبــالك وأحسب إجروح

أريد أركي أعله صدرك راس تعبــان

 وأسولف عن عذابي وغربة الروح

جاي أنزع إبجـَفٌك سهم الأصحاب

 تبروا من طحت عافوني مطروح

 سحكَوا فوكَ راسي وجرهم الخوف

 ونزلو للوحَلْ من عالي السطوح

 ويومإلليٌ شفتهم وكَعو إبٌيـــر

 نزلت وساعدتهم وآنـــه مطروح

 ويوم إللٌي شفتهمنزفو إهــواي

 كَمت إنطيت دم واحلبت الجروح

أريد أبجي إعله صدرك مشتهيالنوح

 وأريد أكَعد إكَبالك واحسب إجروح

مُلفتـه للإنتباه

مثل شبوي المسه بعطره وشذاه

 حبـٌه.. حبـٌه وكَطره .. كَطره

 وبالرسم طوٌل خلكَ بيــج الإلــــه

 صوٌر عيونج مواني

 وبيها عاف الليل نومه وذب غطــــاه

 من بعيد إنتي جميله !!

من قريب إنتي جميله !!

واكَفه .. تمشين حلوه

 والحلو وجهه يبيٌن من كَفـــــــاه

 عيوني ما تكذب عليــٌه

 العسل يم الإشاره

 جدٌى منـٌج .. كِسَر كَلبج

 وأخذ من خدٌج حـــــــــلاه

 الله .. الله إشهل حلاه

 الشكر ماكان مزروع إعله كَـــاع

 أرض خصبه للشكر هاي الشفاه

 والكَلب مدري شجـــــــاه

 قبل كنت أكَدر عليـــــــــه

 ألوي إذانه إيخاف منــــــٌي

 وهســٌه صرت أمشي وراه

 وهســٌه صرت أمشي وراه

 ولا حيــاء في الحب

_ أحبج _

خل يحسبوني رجل حن إلصِــباه

 لأن ملفته للإنتبــاه

ريحة الحنطة

ماخذ وياي العراق بجنـــــطه

 ما كفت الجنــــطه

 طالعه منها مناره وعثك نخلـــه

 وشعله من عيون نفطه

وراح نوصل… ذاك حد السيطرات

 وذيج ضوايات المحطه

 وين اضمها.

لا هوه اكتاب ويخليه المسافر جوّه أبطـــه

 الحمد لله.. الدنيا ليل… ونقطة التفتيش سنطه

 هاي نقطه ويمها واحد

 نقطتين. ثلاثة. خمسه

 ست نقاط ويمها واحد!!

تنحسب مليون نقطــه

 وصاح مسؤول النقاط بصوت عالي

 هاي ما معقوله جنطـه

 بصيحته انزرعت الساحــــه

 رجال أمن ورجال سلطه

 بجرة السَحَاب شافت عينه نجمـه

 وطكته ريحة الحنطــه

 ما لكه غير العلم.. كلي شيـفيدك

 كتله غربه

 إحنه غربه

 ومن نموت هناك… جا بيش انتغطه؟

 أخذ للجنطه تحيه… وكلي توصل بالسلامه

 وهاي أول مره أفوت بسيطره…

وما انطي رشوه وتستعد كدامي شرطه

العمر كاضي / كاظم اسماعيل كاطع

________________________________________

لعمر كاضي

 الدنيا ما دام انتهت..

والعمر كاضي

 منهو بينه بلا خطيئة

 خَلْ يكوم اعلّه الملف

 يكشف الماضي

خل يجي يسويله مره..

ايشوف بيتي إشراح وشظل

 من غراضي

 ناس صعدت ناس بعدت

 وأنا بخيمتي وسوقي وعكاظي

 وجان بامكاني أصير

 لكن هموم العشيرة…

لا أنا راضي على شيخي

 ولا عليَّه شيخي راضي

 جان بإمكاني أصير

 أملاك وقصور وأراضي

 لكن أعرف هاي كلها

 ماتساوي فركة إيد..

وراس محني ابّاب قاضي

 لكن اعرف هاي كلها ماتساوي

 نوم ليلة اعله المخده

 بليَّه خوف وبال فاضي

 هِيَّ مو بالسرعة تلَّم

 ولو على السرعة يصير

 أغنى شخص عدنه الرياضي

 خلصت عمري بدولتي

 لا أنا راضي اعله وضعي..

ولا عليَّه الوضع راضي


 كاظم اسماعيل كاطع

وداع الحلو

ودعناج

 ووداع الحلو يكلف

 وزتينه النعش بدموع

 من ديارنة لحد النجف الاشرف

 بوداعج وكفنة اصفوف

 وجان الكلب باول صف

 شفة تعظ ندم عالراح

 وجف ايذب حركته

 وينكسر بالجف

 لان شحة نساء ابهلوكت تدرين

 من نفكد المثلك

 والله نتاسف

 لان شحة كرم واخلاق

 وتخاف العطاشة اعله النهر ينشف

 صفنات وجمر عالايد

 ونلف الحزن مثل الجكاير لف

 الدهر ثكل علينه اهواي

 ثكل والحمل ما خف

 صلف كل ما يضعف الروح

 يترهة ويصير اصلف

 ولو اهلي وهلج

 وسوالف الايام

 ما صارت اتراب برف

 هلي لو حاولو بالماي

 بينه الماي يتنظف

 هلي لو حاولوا بالنار

 بيت النار جنة بثلج يتسكف

 عهد نبقه حزانه

 اعليج

 ويتعاتب عليج البيرغ

 المارف

 روحي مودعه بالله

 بيتج يم علي الكرار

 يم والد شهيد الطف

ما مرتـــاح

ما مرتاح .. ما مرتاح .. مامرتاح

 عيوني تستحي بس الدموع إوكاح

 ما مرتـــــــــاح

 منٌك.. منٌي .. من الجاي من الراح

 ما مرتــــــــاح

 عركه وي الزمن ورجعنه مكسورين !!

وبعيده المسافه وينٌسي اللٌي طاح ..

ما مرتـــــــــــــاح

 لأن شفت الشمس نزلت تبوس الكًاع

 وبكف الطفل تنلاح

 ولأن قاضي البلابل مدٌد التوقيف

 ومفتوحه السِما

 والفيل عنده جناح

 ما مرتـــــــــــــــاح

 لأن قفل المحبه إنباكً

 وِترهٌم عليه مفتاح

 ما مرتــاح

 متروك بجزيره وتيٌهت بالليل

 وإجو ربعي عليٌه بقافلة أشباح

 وإنته إشبيك ؟؟؟؟؟

 لمٌن دافعت عن نفسي صابك غيض

 مو حتى الكًنافذ من تحس بالخوف

 تستخدم جلدها سلاح !!

ولا جن الفجر مثل الفجر محبوب

 لون الفجر صاير يقبض الأرواح !!

ما مرتـاح من ربعي ولا مرتاح

 تمساح إبنهرهم صاحو من الخوف

 وجازفت بحياتي من سمعت إصياح

!!! صارعت المنيٌه وبيده هزني الموت!!!

ومدمٌى إطلعت :-

صفٌكًو للتمســــــــاح

 كل هذا وتريد أرتاح

 ما مرتـــــــــــــــاح

 ما مرتاح من ربعي ولا مرتاح

 نادوونـي.. وركضت إبليــل

 إيد الرسن بيها وإييد بيها سلاح

 عثرت مهرتي ... وربعي قبل ما طيــح

 واحد كًال للثاني

 أبشـــــرك طـــــاح

 أبشــــــــرك طــــــــاح

إعلى صدرك مشتهي النوح

وبعد ------------------------------

ليرحمك الله ياايها الشاعر المغدور المهجور وليرحمنا الله معك .

الثامن من اكتوبر 2014


أ. د. عبد الإله الصائغ


التعليقات

الاسم: عبد الاله الصائغ شكرا للاستاذ ابي سجاد الفتلاوي
التاريخ: 01/12/2014 06:29:09
عبد الاله الصائغ شكرا للاستاذ ابي سجاد الفتلاوي
اشكرك صديقي وياحبذا لو ذكرت لي اسمك قبل كنيتك لكي اتوسع معك بالكلام
سامحني هل كنت معلما مثلي
هل كنت من سكنة ابو صخير
هل انت نحيل وطويل
لاانا ابحث عن صديق قديم بهذه المواصفات فهل هو انت

الاسم: ابو سجاد الفتلاوي
التاريخ: 30/11/2014 05:22:37
تغمد الله ارواح الشهدء الذين ضحوا من اجل الانسانيه والاوطان واطال في اعمار الباقين ليحذوا حذو سلفهم اتمنى لك الصحه عزيزي ابو وجدان لتواصل ما منحك الله من موهبه ونشاط لما فيه الخيروالمعرفه والمعلومه للناس المحرومه من ذلك سؤالي عنك وعن جميع الذين فارقونا وغابوا عناوعندك معلومه عنهم قد تكون اكثر منا سلام

الاسم: عبد الاله الصائغ تحية لمن اهداني التحيات
التاريخ: 17/10/2014 22:27:30
من المخلص الممتن عبد الاله الصائغ المرعبي الحسيني
إلى :
ابنتي الاستاذة بلقيس الملحم اهديك وردات ولك انتقاء اللون والعطر وفق ذائقتك الرفيعة
كلماتك واقسم بالكلمات تسعدني حقا فرغم انك تكتبين برقيات وجيزة لكنها مكتظة بالمعاني الحسان بوركت بلقيسا
****************
صديقي الدكتور حميد نعمة عبد حياك الحب بالحب والآلاء
نعم نعمين صدقت بقولك : ليس هناك اوفى من ان نتذكر المقهورين والمغدورين والمظلومين... وشكر عبق مضيء لجنابك على الزهيري وانا اعشق فن الزهيري ودعني استذكر الزهيري معك :
كل ساعه ياخوي روحي عله شوفك ترف
وموجرة دنياي يمته علينه ترف
ادري انت حزنان ولا شفت ساعة ترف
وتدري انه ملجوم ...لا ليه منك شفه
والعاذل ابعلتي وبحالي عيد... شفه
بحجايه منك ترد روحي ولو من شفه
ما تبخل على اهواك ادري وعيني ترف
قبلاتي لك وصلاتي كي يحرسك الله كي تسعدنا بلفتاتك الحميمة
******************
ابن عمي ورافع رأسي عاليا المحروس الدكتور السيد علاء الجوادي
نعم يارعاك الله ( ابن عمي كلانا غريب )
نعم يا عافاك الله (كما قال مطرب نخل السماوة حسين نعمة غريبة الروح
انها غربة الروح )
وقد قالها ابن عمك عبد الاله الصائغ في قصيدة متداولة تبدأ :
ما غربتي وطنٌ أغادرهُ بل غربتي وطنٌ يغادرني
وبعد هذه القصيدة ندمت ندما شديدا فهي تتشاءم وانا متفائل وتحيل إلى انني لن ازور العراق الذي غادرته نعم لن ازور بلدي لاحياً ولا ميتاً ! تركت العراق ومن في العراق لجمع النفاق واهل النفاق ! اولئك الذين يقولون ما لايفعلون ! الأدعياء الجدد الذين يهرفون بما لايعرفون ! ويكلفون بالمال الحرام من يحيل فشلهم نجاحا وشؤمهم فلاحا
جميل قولك الذين ابتكرته منذ اربعين عاما ونيف يوم قال الدكتور الجوادي علاء وليت صوتي يساعدني والله اذن لغنيتها على ايقاع الركباني :
يكَلبي ليش دومك تحمل الهم
يكَلبي ليش دومك تكطر الدم
اظنك كَلت وحدي بهاي دنياي
مالي أُخو اوياه الروح تلتم
*****
يكَلبي اصبر وكَل للوجه يضحك
هم عمرك شفت صخر المينحك
لون هذا طريج الدهر ميحيد
احزانك اتروح ابكسر رمحك
ابن عمي وحامل همي ومزيل غمي يابارك الله بك كريماً هميماً
صادقاً حاذقاً
اشكرك
عبد الاله الصائغ المرعبي الحسيني
السابع عشر من اكتوبر 2014
مشيغن المحروسة

الاسم: بلقيس الملحم
التاريخ: 10/10/2014 23:31:55
يا والدي العزيز
غرست العراق بقلبي سهم
ميطلع إلا مع خروج الروح!

الاسم: د.حميد نعمة عبد
التاريخ: 09/10/2014 20:11:17


تحياتي لاخي الوفي د. عبد الاله الصايغ
ليس هناك اوفى من ان نتذكر المقهورين والمغدورين والمظلومين... رعاك الله .وتقبل مني هذا الزهيري


كل ساعه ياخوي روحي عله شوفك ترف
وموجرة دنياي يمته علينه ترف
ادري انت حزنان ولا شفت ساعة ترف
وتدري انه ملجوم ...لا ليه منك شفه
والعاذل ابعلتي وبحالي عيد... شفه
بحجايه منك ترد روحي ولو من شفه
ما تبخل على اهواك ادري وعيني ترف
.........................

الاسم: الدكتور السيد علاء الجوادي - ابن عمي كلانا غريبين
التاريخ: 09/10/2014 12:35:26
ابن عمي الغالي السيد الشريف البروفسور عبد الاله الصائغ المكرم
نعم نحن غرباء وكما قال مطرب نخل السماوة حسين نعمة غريبة الروح
انها غربة الروح
رحم الله الشاعر المبدع ورحم الله كل مبدعي العراق
ورحم الله السيدين الحسينيين علاء وعبد الاله
نعم نحن غرباء بل ايتام في مجتمع لئام

ولكننا شوكة في عيون الظلام نحيله لنور
مع اننا ....
مشيناها خطا كُتبت علينا **** ومن كُتبت عليه خطا مشاها

كتبت قبل اكثر من اربعين سنة....
يكلبي ليش دومك تحمل الهم
يكلبي ليش دومك تكطر الدم
اظنك كلت وحدي بهاي دنياي
مالي أُخو اوياه الروح تلتم

يكلبي اصبر وكل للوجه يضحك
هم عمرك شفت صخر المينحك
لون هذا طريج الدهر ميحيد
احزانك اتروح ابكسر رمحك

وكتبت قصيدة قبل سنة عنوانها برحيلي سوف احيا
ابن عمكم سيد علاء




5000