.............
..........
هالة النور للإبداع
.
أ. د. عبد الإله الصائغ
..... 
.
.
....
مواضيع تستحق وقفة 
.
.
رفيف الفارس
.......
 
...…
ـــــــــــــــ
.
.
 svenska
.
مؤسسة آمنة لرعاية الايتام

.

.

..............
 
.
 ................... 


 

....................
جمعية الصداقة العراقية السويدية 
...................

  

ملف مهرجان
النور السابع

 .....................

فيلم عن
د عبد الرضا علي

  




................


خدمات ترجمة 
 في مؤسسة النور

.

 ملف

مهرجان
النور السادس

.

 ملف

مهرجان
النور الخامس

.

تغطية قناة آشور
الفضائية

.

تغطية قناة الفيحاء
في
الناصرية
وسوق الشيوخ
والاهوار

.

تغطية قناة الديار
الفضائية
 

تغطية
الفضائية السومرية

تغطية
قناة الفيحاء في بابل 

ملف مهرجان
النور الرابع للابداع

.

صور من
مهرجان النور الرابع 
 

.

تغطية قناة
الرشيد الفضائية
لمهرجان النور
الرابع للابداع

.

تغطية قناة
آشور الفضائية
لمهرجان النور
الرابع للابداع

 

تغطية قناة
الفيحاء
لمهرجان النور
في بابل

 

ملف مهرجان
النور

الثالث للابداع
2008

ملف
مهرجان النور
الثاني للابداع
 

            


يا اهل الرحم وينة اليرحم عماد الطويرجاوي / الجزء الثاني

أحمد الياسري

الله بالخير .......  

طبعا قبل لا اكتب حرف واحد من هاي المقالة استذكر بيت لشاعر عراقي شعبي من جيل الثمانينات ما اتذكر اسمه يكول (بعراقنة مو بس نفط عدنه المعادن انواع _ولو تحفر بكاعه شبر تطلع الغيرة من الكاع ) ولله صدك كاع العراق ثرواتها مو بس نفط ومعادن،اهم ثرواتها  الغيرة والنخوة والمعروف،الي ولد هاي الكاع رضعوا من ثداياها هالمعاني ، رغم كل طلايبنة وعلاتنة ومصايبنة ،بس الامل تحركًة وتقضي عليه المفخخات والمليشيات بكل بلدان العالم بس بالعراق ،والدليل منو كان يعتقد ان القاعدة بالعراق الي دوخت امريكا وطحنتنا طحن ،يصير طشارها واهلية لوما غيرة ونخوة اهل الغربية ،منو جان يتصور مليشيات ايران تصير جريذية لو ما غيرة ونخوة عشائر الجنوب ،منو جان يتوقع كردستان بس يوكع صدام ما يعلن اهلها الانفصال وكل مقومات الدولة عدهم ؟ لوما غيرة اهلنا بكردستان وحبهم لوطنهم العراق ،فكل الاشياء تموت بس هذا الشعب لو تذبحه مليون ذبحة ما يموت ،ورهانا لازال على غيرتنة ونخوتنة بالشدة وبالضيج ،ومن تريد تتصفح بتاريخ وادب العراق وعشايرة ،ما تقرا وتسمع غير هوسات اهلنه ( جن لا هزيتي ولوليتي ) العارضية من انكتل ابنها بثورة العشرين صاحت (هزيت ولوليت لهذا ) يعني ربيت ابني ورضعته الغيرة حتى يستشهد بثورة العشرين ،لو قائد عشائر الفرات الاوسط حجي عبد الواحد ال حجي سكر من كال (حطوني بحلكة وكلت انه ) من خلوه الانكليز بحلك المدفع (يتماوج لجها وثابت بيه )،احنه الشعر اليطحن الكلب ومابيه نخوة وغيره ما نشتريه بفلسين والزلم الما تردس بالكاع لو صاح المهوال موش زلم  ،هاي صور الغيرة الي ربه عليها الانسان العراقي شلون تريده يطلع اكيد متروس غيرة لراسه ،شاهد امثالي وسالفتي هوة موضوعي الي كتبته الاسبوع الماضي بعمودي الشعبي (طك بطك ) الخاص بصفحة شعبيات بجريدة العراقية ، عن مصيبة الشاب العراقي المعوق عماد الطويرجاوي ،اني كتبت الموضوع لان ردت اساعد الوليد واني لا رئيس دولة ولامسعول حكومي ولا حبوبتي امريكية ،وماعندي غير قلمي الي اهوس واحشم العالم بيه ،فأول ما كتبت المقالة وهي اشتغلت الاتصالات ،اول واحد الاستاذ موفق ساوا رئيس تحريرجريدة العراقية باستراليا،كال لازم اتبرع باسم الجريدة لهذا الولد وابواب الجريدة كلها مفتوحة الك احمد بهذا الموضوع ،اتصل بيه وراه  المخرج ناطق اللامي شلت التلفون كالي احمد الياسري كتله كول بعد اخوك ،كال الله لا يطيك العافية سيدنا ، كتله ليش خوية كال صارلي ساعة حاط مقالتك وابجي ،كتله اذا انته قريت مقالتي وبجيت جا اني شكول الي شفت المنظر بعيوني ،كال اتفاعلت وي هذا الشاب واريد عنوانه اتدور اتصل بيه ولد اسمه سعد وهو شاب مندائي عنده محل سمانة بالستي ،وطلب الاتصال بعماد لمساعدته ،اتدور اتصل بيه شخص ابو محمد وشخص اخر من اوبرن رفض ذكر اسمه واخرين اتدور اتصل بيه الكاتب العراقي المعروف جوامير المندلاوي واتبرع بميت دولار للولد وكتب مقاله على الموضوع ،ومن  انشر الموضوع بالنت الاخ امير المالح ابو موقع عينكاوه دزلي رسالة اهتمام ونشر الموضوع ايضا، ثم سيد احمد الصائغ بعثلي اكثر من رسالة ونشر الموضوع بموقع النور اتدور دزلي الكاتب العراقي المهم علي القطبي رسالة وتعليق على الموضوع وبعث مقالتي الى الاديبة وفاء عبد الرزاق لانها لديها علاقة بجمعيات خيرية بدبي للنظر بمساعدة عماد اتدور راسلني الزميل محمد حسين الحقيقة محمد حسين بذل مجهود جبار ،اول شي نشر الموضوع بموقعهم شبكة العراق الجديد اتدور اتصل بالبغدادية وحجه ويه الاستاذ عبد الحسين شعبان رئيس مجلس الادارة واخذ رقم عماد منهم واتصل بعماد لان اني محاولاتي بالاتصال بعماد كلها باءت بالفشل ،ودزلي تعليق نشره على موقع النور كالي احمد حصلت رقم الولد وانشاء الله منقصر عنه ،،هاي الهوسة كلها صارت من مقالة مرعبلة وحدة كتبها احمد الياسري واني رجال معيدي وفقير يعني لا عندي فضائية ولا حزب ولا حكومة رجال بطرك قميصي العبرت بي المحيط لاستراليا وعيوني بعين الله ،فأكيد الفخر مو اليه ولا لمقالتي الفخر لغيرة هذولة الناس ولنخوتهم العراقية الاصيلة ، الي من سمعوا الياسري صاح وين اهل الرحم كلها فزعت عليه واحد مسيحي وواحد صبي وواحد سني وواحد شيعي كلها اتناخت من حسوا اخوهم العراقي محتاج الى مساعدة ويجوز عماد الطويرجاوي بعده ما شاف شي ولا طب جيبه درهم ،بس تفاعل ذوله الناس وي موضوعه اكيد راح يخلي ناس اخرين يتفاعلون ويه موضوعه الى ان نشوفله ابن حلال من حكومتنا جمعياتنا الخيرية ،طراكيعنا يكدر يسويله العملية واني شخصيا دزيت رساله الى البرفسور عبد الاله الصائغ احشمه بلجي الله والحسين تتحرك السفارة العراقية بامريكا ويسوون العملية لعماد بامريكا  ويرجع يمشي وهسه حتى ما اطول عليكم يخوتي اريد اشكر كل الاخوة الي ذكرت اسماءهم ولله لا يخيبهم بجاه كلمن عده جاه، وادعو واحشم الي ما سمع من اخواني العراقيين يا اصحاب النخوة والغيرة ، تره عملية عماد الطويرجاوي فلوسها فلوس حفلة ساعة ردح لمطرب عراقي يعني لا مصيبة ولا معضلة ،ومن احيا نفس كمن احيا الناس جميعا ،ويا اهل الشيم هذا محلكم ،وين اهل الغيرة وينهم لا تقصرون عن عماد الطويرجاوي وعايلته ومرته المسكينة واني كتبت الجزء الثاني من الموضوع مو حتى ادول الموضوع لان عماد رجال مكرود خو مو الامير تشارلز،،ولا حتى احصل شهرة لان كاتب على رجال مكًرم خو ما كاتب على كاظم الساهرلو نانسي عجرم  حتى احقق شهرة ،الموضوع انساني بحت _ودم المايتحرك  شيلة مرته تلوك عليه _  واعلن الان عبرجريدة العراقية  كل شخص يريد يساعد الشاب عماد الطويرجاوي الي اتعوق بطلقة مجنونة من القوات الامريكية يتصل بجريدة العراقية وتحديدا بالاخ الكاتب محمد حسين ويحصل منه على المعلومات الخاصة بالولد  وهو يتفاهم وية عماد ،لان كثيرمن الاشخاص اتصلوا بالجريدة ورادوا ينطونا فلوس واحنا رفضنا اليريد يساعد عماد يتصل بي هوة شخصيا ويدزلة فلوس على حسابه واحنا مالنه شغل لأن جريدة العراقية هدفها مساعدة كل العراقيين من كل الاطياف ولهذا الهدف اتأسست ،فقضية اي انسان عراقي نعتبرها احنه قضيتنا والله يبارك بيكم يخوتي (وكوم التعاونت ما ذلت يبعد اخوكم ) واكرر صرختي __يا اهل الرحم وينة اليرحم عماد الطويرجاوي _

رقم هاتف المعوق عماد صالح جودة الطويرجاوي

0011964  -  7706026246


*مدير تحرير جريدة العراقية الصادرة بسدني

أحمد الياسري


التعليقات

الاسم: مــحــمــد حــســيــن/ مدير مركز الإعلام العراقي في سيدني.. ومدير تحرير موقع شبكة العراق الجديد
التاريخ: 20/05/2008 13:22:30
عزيزي احمد الياسري

لم استطيع الحصول على رقم حساب البنك للاخ عماد
وذلك حتى يكون البيان بالصورة الواضحة والمطلوبة
للقارىء الكريم .

وبالتالي :-

تكلمت بالأمس معه ومع زوجته ... قالوا من يريد
مساعدتنا ، ليرسل المال عن طريق الحوالة المصرفية
من بلدانهم .

وعليه... ننشر رقم هاتفه مرة أخرى هنا لمن يريد مساعدته

0011964 - 7706026246

عظم الله أجوركم
إنتهت المهمة

محمد حسين


الاسم: احمد الياسري
التاريخ: 15/05/2008 18:31:08
العزيز السيد علي القطبي الف تحية لك ولمشاعرك النبيلة التي ليست بعيدة عنك اشكرك على تعليقك واهتمامك مولاي الكريم واضم دعائي وصلواتي لدعائك بمساعدة هذا الشاب ،اما العزيز محمد حسين صاحب الجهد المشكور كل مبادراتك جميله ومحترمة وانا مستعد للمساعدة بكل ما تطلبه مني ،وبالنسبه الى نداء الاستغاثة هي مقالاتنه هاي استغاثة ولكن تعميم الموضوع على مواقع اخرى شي محترم اؤيده وانا مع كل شي لمساعدة هذا المسكين وبالنسبه لتلفونه خويه (هيه التلفونات الخاصة بالفضائيات خلوها صحيح قد يمانع عماد باعطاء تلفونه الشخصي ،بس هو حاله عراقية من حق كل العراقيين ان يطمأنون عليه بعد ان اصبحت قضيته بيد الاعلام فهو الان حاله مو خاصة ،ومو كل الي راح يتصلون بيه راح يودوله فلوس يجوز اكو ناس راح تتصل للاطمئنان فقط ،ومن حقهم ومن حقه هوه ان يحس بمحبة الاخرين اله ثانيا وضع رقم الحساب بدون الرقم الشخصي اشوفها ناقصة شلون واحد يدز فلوس لشخص ما متكلم معاه هاي ملاحظاتي فاكيد احنا موقصدنا ازعاج عائلة عماد لان همه مو ناقصين بلاوي ،وعلى ايه حال انا معك في كل خطوة تطلبها مني واشكرك على اهتمامك وجهودك ايها العراقي الطيب

الاسم: مــحــمــد حــســيــن/ مدير مركز الإعلام العراقي في سيدني.. ومدير تحرير موقع شبكة العراق الجديد
التاريخ: 15/05/2008 08:37:15
عزيزي أستاذ أحمد الياسري المحترم

السلام عليكم

نشرت الجزء الثاني على الرابط التالي

http://www.aliraqaljded.com/modules.php?name=News&file=article&sid=4451

عزيزي أحمد

بـعــد التفكير حول كيفية مساعدة عماد صالح جوده

رأيت أن الطريقة المثلى هي بالاتصال بالاخ عماد مرة ثانية ، لأخذ رقم حساب البنك الخاص به

(( علما إن الدكتور أكرم الحمداني من المنتدى الثقافي الطبي العراقي أيدني في هذه الفكرة ))

أولا نكتب نداء إستغاثة من خلال جريدة العراقية للأخوة والاخوات في سيدني وأستراليا ككل >> لمن يرغب بمساعدة عماد الطويرجاوي

وبعدها أكتب بيان من مركز الاعلام العراقي في سيدني ( نـــداء إستغاثة ).. الى أكثر من ثلاثين موقع عراقي نزيه يقوموا بنشره ، أدعوا من خلاله الاخوة الراغبين في مساعدة عـمـــاد على رقم حسابه في العراق ، ولاأود أن أكون أو نكون نحن جهة في هذه القضية ، كما أرجوا أن لاتعطي رقم بيته لأيّ كان ، ممكن الاتصالات الكثيرة قد تزعج العائلة .. المساعدة الصحيحة من خلال إرسال الاموال الى رقم حسابه الشخصي والمفروض أن يكون بإسمه الثلاثي الذي نعرفه الآن ( عماد صالح جوده)،

فقط أريد يومين لإتمام هذه المهمة .

ودمتم سالمين

محمد حسين


الاسم: علي القطبي الموسوي
التاريخ: 14/05/2008 22:58:08
بارك الله بك يا سيد احمد الياسري كل كلمة كتبتهاتفيض غيرة ووجدان وشرف ... أنت العربي الأصيل والمسلم الصادق والأنسان النبيل وهذا عماد اخوك وابن بلدنه وانته ما تقصر وهذه حميتك الياسرية العلوية الجنوبية هله بيك والله , وكل الطيبين وياك .وما نترك عماد الطويرجاوي حتى نوديه إلى أوروبا أو اميركا للعلاج إن شاء الله تعالى .




5000